Biełaruski jeŭrapiejski forum, jaki arhanizoŭvaje Ruch za Svabodu, projdzie 14 listapada. Takoje rašeńnie było pryniataje 11 žniŭnia na pasiadžeńni arhkamitetu mierapryjemstva. Arhkamitet prachodziŭ pad kiraŭnictvam Jurasia Hubareviča. Namieśnik staršyni Ruchu za Svabodu adkazvaje na pytańni «NN».
«Naša Niva»: Čamu Forum pryznačany mienavita na 14 listapada?
Juraś Hubarevič: Da hetaj daty musiać prajści ŭsie rehijanalnyja schody. 14 listapada — subota, vychodny dzień, u jaki zručna rehijanalnym delehatam pryjechać u Miensk.
«NN»: Chto zmoža ŭziać u mierapryjemstvie?
JUH: Luby hramadzianin Biełarusi, jaki padzialaje idei demakratyi, niezaležnaści i jeŭrapiejskaha vybaru dla Biełarusi i maje namier aktyŭna dałučycca da dziejnaści pa jeŭrapieizacyi krainy. Dla taho kab stać delehatam Foruma nieabchodna pryniać udzieł u adnym z rehijanalnych schodaŭ. Infarmacyju pra praviadzieńnie schodaŭ možna atrymać u miascovych kaardynataraŭ.
«NN»: Jakija hałoŭnyja pytańni buduć razhledžanyja?
JUH: Forum maje na mecie mabilizavać prychilnikaŭ i abjadnać patencyjał biełaruskich prajeŭrapiejskich siłaŭ, a taksama padtrymać paŭnavartasny ŭdzieł Biełarusi ŭ prahramach jeŭrapiejskaha supracoŭnictva i intehracyi.
«NN»: Niechta ź viadomych ludziej vykazaŭsia ab svaim udziele ŭ Forumie?
JUH: Jość papiaredniaja damoŭlenaść z šeraham znakavych asobaŭ. Budziem dasyłać aficyjnyja zaprašeńni i pa atrymańni zhody, paviedamlać pra heta. Pakul jašče rana kazać.
«NN»: Arhanizacyjnuju pracu pa padrychtoŭcy viadzie tolki Ruch za Svabodu, ci jość arhanizacyi jakija dapamahajuć?
JUH: Nie tolki Ruch. Heta taksama BCHD, «Małady Front», «Maładaja Biełaruś», MCHSS «Maładyja Demakraty», «Pravy Aljans», Partyja svabody i prahresu. Aktyvisty i inšych arhanizacyj (BNF, AHP, vialikaja kolkaść niedziaržaŭnych arhanizacyj) biaruć udzieł u rehijanalnych schodach, i navat u ich arhanizacyi.
«NN»: Ci budzie vyłučeńnie na Forumie kandydata ŭ prezidenty
JUH: Vyłučeńnie kandydata nie płanujecca.
«NN»: Na jakuju kolkaść udzielnikaŭ raźličvajecie i na jakoje pamiaškańnie?
JUH: Da tysiačy ŭdzielnikaŭ. Pamiaškańnie musić być takim, jakoje źmieścić usich delehataŭ i haściej, a taksama znachodzicca ŭ centry Minska.
