Fota: Getty Images

Reuters zdabyła aŭdyjozapis schodu rabotnikaŭ i kiraŭnictva Ruptly, na jakim abmiarkoŭvalisia zvalnieńni i pretenzii žurnalistaŭ, a taksama pahavaryła na ŭmovach ananimnaści z adnym z supracoŭnikaŭ videaahienctva.

«Usie albo syšli na balničny, albo prosta syšli. Nielha ŭdzielničać va ŭsim hetym, a potym jechać u łahier uciekačoŭ i prykidvacca, byccam spačuvaješ», — skazaŭ hety supracoŭnik.

Niezadavolenaść supracoŭnikaŭ Ruptly vyklikała, u pryvatnaści, toje, što im zahadvali nazyvać uvarvańnie Rasii va Ukrainu «śpiecyjalnaj apieracyjaj».

Jeŭrasajuz ciapier dumaje, ci nie zabaranić pracu RT i «Sputnika» na svajoj terytoryi. Ab Ruptly ŭ aficyjnych zajavach havorki pakul nie było.

Pa danych Reuters, z Ruptly u apošnija dni sapraŭdy syšli try staršyja redaktary.

Na zapyt Reuters ab kamientaryi pres-sakratara Šonu Linu pryjšoŭ aŭtamatyčny adkaz: «Prabačcie, z 25 lutaha ja tut bolš nie pracuju».

Клас
0
Панылы сорам
0
Ха-ха
0
Ого
0
Сумна
0
Абуральна
0