Fota: AP
Pavodle Maravieckaha, ukraincy pavinny bačyć nadzieju na budučyniu.
«Nam patrebny płan rekanstrukcyi, pra jaki ja havaryŭ z prezidentam Jeŭrakamisii. Naprykład, sto miljardaŭ jeŭra, jakija finansuje Jeŭrasajuz, kab u bližejšyja hady razburanaja infrastruktura, razburanyja škoły, balnicy, razbambavanaje žyllo možna było adnavić», — skazaŭ polski premjer-ministr.
Jon adznačyŭ, što dla Ukrainy vielmi važna padrychtavać inviestycyjny pakiet, bo ekanomicy patrebnyja novyja inviestycyi, novyja pracoŭnyja miescy.
Na dumku polskaha premjer-ministra, enierhietyčnaja biaśpieka pavinna stać jašče adnym elemientam paślavajennaj rekanstrukcyi Ukrainy.
«Kali b vajna skončyłasia raniej i pryviała da taho, što naša častka Jeŭropy kančatkova stała niezaležnaj ad rasijskich hazu, nafty i vuhalu. Heta nieabchodnaja ŭmova miru ŭ rehijonie ŭ doŭhaterminovaj pierśpiektyvie», — skazaŭ Maraviecki.
