Žychary horada Biła Cerkva (Kijeŭskaja vobłaść) uzvodziać barykadu na darozie. Rasijskija vojski, jakija nastupajuć u kirunku horada, uvajšli va Ukrainu z terytoryi Biełarusi.

Žychary horada Biła Cerkva (Kijeŭskaja vobłaść) uzvodziać barykadu na darozie. Rasijskija vojski, jakija nastupajuć u kirunku horada, uvajšli va Ukrainu z terytoryi Biełarusi.

«24 lutaha na terytoryi mytnaha posta «Damanava» ŭ Vałynskaj vobłaści znachodzilisia piać biełaruskich fur z hruzam. Padčas stajanki da vadzicielaŭ padyšli ŭzbrojenyja ludzi, jakija zapatrabavali vyjści z mašyn, pakinuć klučy ŭ sałonach aŭtamabilaŭ i pakazać hruz. Paśla jany pad pahrozaj užyvańnia zbroi prymusili kiroŭcaŭ pakinuć terytoryju Ukrainy, pakinuŭšy mašyny», — tak apisvaje situacyju SK.

A voś što «Našaj Nivie» raskazaŭ čałaviek, znajomy ź situacyjaj. Kanfiskacyja fur nie maje kryminalnaha charaktaru — jana była ažyćcioŭlenaja ŭ adpaviednaści z normami vajennaha času, jakija dziejničajuć va Ukrainie z 24 lutaha, dnia, kali na krainu napali rasijskija vojski.

«Hetyja aŭto znachodziacca niepasredna ŭ niejtralnaj zonie na terytoryi Ukrainy ŭ punkcie propusku Damanava. Častka ź ich vykarystanaja ŭ jakaści barykad dla praduchileńnia mahčymaha prasoŭvańnia vojskaŭ z boku Makranaŭ. Aŭto na biełaruskich numarach vykarystoŭvajucca ŭ jakaści naturalnych pieraškod na mnohich inšych aŭtadarohach va Ukrainie. 

Kiroŭcy znachodziacca pad achovaj (abo aryštam, pakul niajasna), charčavańnie pradastaŭlajecca. Na hety momant na suviazi bolš za 170 vadzicielaŭ. Ëść adzinkavyja vypadki ŭžyvańnia fizičnaj siły, a taksama pahrozaŭ zbrojaj», — kaža krynica.

Pakolki Biełaruś pradastaviła svaju terytoryju rasijskim vojskam dla napadu na Ukrainu, z terytoryi Biełarusi ažyćciaŭlajucca rakietnyja ataki, Biełaruskaja čyhunka, aeradromy i špitali vykarystoŭvajucca rasijskaj armijaj, Ukraina i inšyja krainy śvietu razhladajuć Biełaruś jak krainu-ahresara z usimi vyciakajučymi. Ź niuansami — tamu što sami biełaruskija vojski pakul niepasredna ŭ apieracyi nie ŭdzielničajuć.

Faktyčny saŭdzieł u ahresii pryvodzić da maralnych nastupstvaŭ — naprykład, biełaruskich spartoŭcaŭ i kłuby adchilajuć ad spartovych mierapryjemstvach.

Ale, akramia maralnych, jość i materyjalnyja — jak u situacyi z furami.

Varta adznačyć, što SK nie zavioŭ nivodnaj kryminalnaj spravy pa faktach uzbrojenaj ahresii suprać suvierennaj ukrainskaj dziaržavy i abstrełaŭ jaje terytoryi balistyčnymi rakietami, jakija adbyvalisia ź Biełarusi. Kali polskija pahraničniki ŭžyvali ślezaciečny haz, kab spynić sproby niezakonnaha pierasiačeńnia miažy mihrantami, SK zavioŭ dziasiatki kryminalnych spraŭ. 

Biełarus raskazaŭ, jak źmianiłasia staŭleńnie da biełarusaŭ va Ukrainie i Polščy

Клас
0
Панылы сорам
0
Ха-ха
0
Ого
0
Сумна
0
Абуральна
0