Uzrovień SSS pa škale Fitch aznačaje: «istotnaja kredytnaja ryzyka. Vielmi nizki zapas tryvałaści. Realnaja mahčymaść defołtu».
Ekśpierty ahienctva adznačyli, što novyja sankcyi, uviedzienyja ŭ dačynieńni da Biełarusi z-za ŭdziełu ŭ rasijskim uvarvańni va Ukrainu, a taksama ciesnyja ekanamičnyja i finansavyja suviazi z RF, stvarajuć istotnyja ryzyki makrafinansavaj stabilnaści i sparadžajuć sumnievy ŭ tym, što Biełaruś zmoža vykanać svaje źniešnija abaviazacielstvy.
Novyja sankcyi ZŠA i ES zakryvajuć raniejšyja ščyliny. Akramia taho, jość vysokaja ryzyka dalejšaha ŭzmacnieńnia žorstkaści abmiežavańniaŭ. Ahienctva čakaje źnižeńnia kursu biełaruskaha rubla, a taksama skaračeńnie ekanamičnaha rostu.
«Asłableńnie biełaruskaha i rasijskaha rubloŭ budzie padsiłkoŭvać inflacyju, jakaja ź vieraśnia 2021 hoda vymiarajecca dvuchznačnymi ličbami», — paviedamlaje Fitch.
Raniej jašče adno rejtynhavaje ahienctva S&P paniziła kredytny rejtynh Biełarusi da ŭzroŭniu SSS.
