Mer horada Irpień u Kijeŭskaj vobłaści Alaksandr Markušyn zajaviŭ, što ŭčora: «Atrymaŭ paviedamleńnie ad akupantaŭ z pahrozami majmu žyćciu i zdaroŭju i faktyčnym patrabavańniem poŭnaj zdačy Irpienia». Jon apublikavaŭ skrynšot paviedamleńnia ŭ Vatsapie, adpraŭlenaha z rasijskaha numara.
U paviedamleńni skazana: «Pavažany Alaksandr, u vas jość mahčymaść zachavać žyćcio i zdaroŭje, a mahčyma, i palepšyć materyjalnaje stanovišča. Kali prapanova zacikaviła, adpraŭcie ŭ adkaz +. Termin dziejańnia prapanovy 24 hadziny».
Chto adpraviŭ Markušynu takoje paviedamleńnie, niezrazumieła. Sam jon ličyć, što hetaja prapanova pastupiła ad rasijskaha boku. Ranicaj 8 sakavika kiraŭnik Irpienia ŭ adkaz na paviedamleńnie adpraviŭ minus, a taksama praz Fejsbuk zapatrabavaŭ, kab rasijskija vojski pakinuli Irpień.
Markušyn adkazaŭ admovaj, pasłaŭšy znak «-».
