«Zachoŭvajucca prykmiety hatoŭnaści kiraŭnictva Biełarusi da mahčymaha šyrokamaštabnaha ŭdziełu US RB u bajavych dziejańniach suprać Ukrainy na baku RF. Padraździaleńni pieraviedzienyja ŭ najvyšejšyja stupieni bajavoj hatoŭnaści, ale maralna-psichałahičny stan asabistaha składu vielmi nizki. Bolšaść vajskoŭcaŭ infarmavanaja ab dziejańniach i nie žadaje vajavać na baku VS RF.
Praciŭnik sprabuje błakavać Čarnihaŭ.
Akupanty praciahvajuć adnaŭlać pantonnuju pierapravu i ŭ najbližejšy čas pastarajucca ažyćciavić pierapravu praz raku Dziasna.
U rajonie Hłuchava praciŭnik sprabavaŭ arhanizavać nastup z raniej stvoranaj miažy. Sproba pravaliłasia, nastup spynieny.
U suviazi ź niepapraŭnymi stratami ŭ rajonie Charkava šerah padraździaleńniaŭ akupantaŭ pakinuŭ zonu bajavych dziejańniaŭ i viernuty ŭ rajon Niechaciejeŭki Biełharodskaj vobłaści Rasii dla ažyćciaŭleńnia mier adnaŭleńnia bajazdolnaści.
Taksama nie admaŭlajucca ad zadumy viadzieńnia nastupalnych dziejańniaŭ u napramkach na Dniepr i Zaparožža z metaj vychadu na administracyjnyja miežy Danieckaj vobłaści. Ździejśnienaja niaŭdałaja sproba nastupu ŭ rajonie nasielenaha punkta Trajeckaje. Vorah sprabuje adnavić nastup i zachapić Maryupal».
