Jak rastłumačyli ŭ pres-słužbie kampanii «Lenta», «u kramach sietki stali častymi vypadki, kali naviedvalniki kuplajuć vidavočna zavyšanuju kolkaść tavaru, jaki paśla realizujecca praź inšyja kanały pa cenach, jakija značna pieravyšajuć ceny kramy. Pry hetym klijenty sietki mohuć sutykacca z časovaj adsutnaściu nieabchodnaj im pradukcyi».
U kampanii zajavili, što pastaŭki tavaraŭ u kramy i raźmierkavalnyja centry «ažyćciaŭlajucca rehularna i stabilna ŭ adpaviednaści z płanavymi abjomami».
6 sakavika «Lenta» ŭviała limit na prodaž tavaraŭ u adny ruki. Miera tyčycca krup, harbaty, kavy, cukru, muki, praduktaŭ chutkaha pryhatavańnia, prypravaŭ, sousaŭ, miasnych i rybnych kansiervaŭ, masła, kaśmietyki, srodkaŭ dla myćcia, tualetnaj papiery, dziciačaj bytavoj chimii i padhuźnikaŭ.
