«Kala 280 biełaruskich hruzavych aŭtamabilaŭ praciahvajuć znachodzicca na terytoryi Ukrainy i nie mohuć vyjechać. Akramia taho, u punktach propusku z sumiežnymi joj dziaržavami ES (Vienhryja, Rumynija, Słavakija) praciahvaje taksama nazapašvacca hruzavy aŭtatranspart z kiroŭcami — hramadzianami Respubliki Biełaruś», — prakamientavaŭ pres-sakratar MZS Anatol Hłaz BiełTA.
Jon dadaŭ, što 143 ekipažam biełaruskich vielikahruzaŭ udałosia viarnucca ŭ Biełaruś — na aŭtamabili ci pieššu. Zaznačyŭ taksama, što jany pastajanna fiksujuć vypadki kanfiskacyi aŭtamabilaŭ.
«Dadatkova viadziem pracu pa linii sumiežnych z Ukrainaj dziaržaŭ ES, u apieratyŭnym režymie ažyćciaŭlajucca pieramovy z adpaviednymi pamiežnymi orhanami dla zabieśpiačeńnia tranzitu biełaruskich transpartnych srodkaŭ praz terytoryju Jeŭrapiejskaha Sajuza. My nie spyniajemsia šukać mahčymyja i ŭzajemaprymalnyja šlachi, sposaby i miechanizmy vyrašeńnia situacyi, sprabujem vypracavać ałharytm, jaki zadavolić usich zacikaŭlenych», — skazaŭ Hłaz.