Pazoŭ u sud niekalki tydniaŭ tamu padaŭ Miniust — viedamstva patrabavała likvidavać arhanizacyju, bo, na jaho dumku, «pad vyhladam vałanciorstva pa vyratavańni ptušak APB ažyćciaŭlaje ekstremisckuju dziejnaść». Razhladać spravu pačali 1 sakavika.

U pazovie Ministerstva justycyi pretenzii da APB vykładzieny na troch staronkach. Voś niekatoryja ź ich:

— u svaich infarmacyjnych materyjałach publična vykazvaje ideju pa padtrymańni pratesnaj aktyŭnaści siarod ludziej, vykarystoŭvajučy pry hetym vyraz «Ptuški z narodam»;

— publikuje destruktyŭnyja fota i zakliki parušać hramadski paradak;

— supracoŭniki pryciahvalisia da administracyjnaj adkaznaści pavodle art 24.23.

Arhanizacyi zakidali i toj fakt, što były kiraŭnik Viktar Fiančuk prachodzić pa kryminalnaj spravie pa artykule ab hrubym parušeńni hramadskaha paradku (č. 1,2,3 art. 293 i č. 1 i 2 art. 342); padčas pieratrusu ŭ jaho kanfiskavali pratestnuju simvoliku, a samoha jaho ličać datyčnym da «finansavańnia asob, zatrymanych i asudžanych za ŭčynieńnie złačynstvaŭ pratesnaj nakiravanaści».

Клас
0
Панылы сорам
0
Ха-ха
0
Ого
0
Сумна
1
Абуральна
0