Dla paraŭnańnia: z 10 studzienia pa 23 lutaha na biržy pradali 735,5 miljona dalaraŭ. To-bok za miesiac z pačatku vajny pradali valuty amal stolki ž, kolki za paŭtara miesiaca da ŭvarvańnia Rasii va Ukrainu.
Padobnaja karcina i ź jeŭra. Z 24 lutaha pa 21 sakavika abjomy tarhoŭ skłali 207 miljonaŭ jeŭra. Amal taki ž abjom (208 miljonaŭ jeŭra) byŭ za pieryjad z 11 studzienia pa 23 lutaha. Taja ž roźnica ŭ paŭtara raza.
Nahadajem, što z pačatku vajny istotna vyras kurs valut. Dalar padskočyŭ z 2,64 da 3,27 rubla, jeŭra — z 2,99 da 3,61 rubla (pa kursie Nacbanka). U abmieńnikach staŭki vyšejšyja.
Z ulikam taho, što situacyja ŭ ekanomicy i zamiežnym handli nie maje precedentaŭ, pakul ciažka skazać, ci heta kančatkovy novy, «paślavajenny» kurs rubla, ci jaho čakaje dalejšaje padzieńnie pa miery vyčarpańnia valutnych reziervaŭ, jakija Nacbank Biełarusi moža vytračvać dla padtrymańnia kursu.
Sankcyi Jeŭrasajuza i ZŠA pryviaduć da źmianšeńnia valutnych pastupleńniaŭ u Biełaruś. Ale zamarožvańnie vypłat Rasii pa kredytach i pierachod na rasijski rubiel u raźlikach za naftu i haz źmienšać patreby ŭ valucie. Na siońnia nichto nie voźmiecca prahnazavać, jakim stanie salda valutnych płaciažoŭ pa fakcie ŭ krasaviku i mai, nie kažučy pra paźniejšy pieryjad.
