Pa słovach tych, chto chadziŭ, — tam im pahražali zrabić padazravanymi pa luboj kryminalnaj spravie ci pasadzić na sutki za supraciŭleńnie. Papiarednie, pieratrusy pravodziać supracoŭniki KDB.
Pa infarmacyi pravaabaroncaŭ, 21 sakavika ŭ sudzie Baranavickaha rajona i h. Baranavičy razhladzieli minimum siem spravaŭ pa art. 19.11 KaAP «raspaŭsiudžvańnie ekstremisckich materyjałaŭ». Ale, jak adznačajuć zatrymanyja, sudoŭ było značna bolš, paviedamlajuć pravaabaroncy.
Sudziać usich za reposty z «ekstremisckich kanałaŭ», za kamientaryi, a taksama za fota, jakija ludzi dasyłali paśla refierendumu na płatformu «Hołas».
Viadomyja vyniki tolki troch sudovych pasiadžeńniaŭ: dvuch žycharoŭ aryštavali na 5 i 9 sutak, a žančynu pakarali štrafam u pamiery 15 bazavych vieličyniaŭ (525 rubloŭ). Akramia hetaha, u ich kanfiskovyvajuć telefony. Rašeńni pa administracyjnych spravach vynosiać suddzi Ina Paŭłoŭskaja, Mikałaj Kmita i Siarhiej Danilčyk.
