«U adpaviednaści ź biełaruskim zakanadaŭstvam u dziejańniach asobnych ukrainskich dypłamataŭ jość prykmiety złačynstva, praduhledžanaha art. 358 Kryminalnaha kodeksa Respubliki Biełaruś — Špijanaž. Ale ŭ adpaviednaści z artykułam 31 Vienskaj kanviencyi ab dypłamatyčnych znosinach nazvanyja asoby karystajucca imunitetam ad kryminalnaj jurysdykcyi dziaržavy znachodžańnia.
U suviazi ź situacyjaj, jakaja skłałasia, Kamitetam dziaržaŭnaj biaśpieki pryniatyja vyčarpalnyja miery pa skoŭvańni raźviedździejnaści praciŭnika i likvidacyi rezidentury, jakaja dziejničała pad dypłamatyčnym prykryćciom», — śćviardžaje namieśnik načalnika śledčaha ŭpraŭleńnia KDB Kanstancin Byčak.
Akramia taho, u supracoŭnictvie z ukrainskaj vyviedkaj KDB abvinavaciŭ žurnalista Dzianisa Ivašyna.
Ivašyna zatrymali 12 sakavika 2021 hoda. Spačatku jaho abvinavacili pavodle art. 365 KK («umiašańnie ŭ dziejnaść supracoŭnika ŭnutranych spraŭ»), a potym vystavili novaje abvinavačańnie — u «zdradzie dziaržavie» (č. 1 art. 356 KK Biełarusi). Ciapier jamu pahražaje da 15 hadoŭ źniavoleńnia.
