Mužčyna raniej pracavaŭ nastaŭnikam u škole, historyk pa adukacyi, na momant zatrymańnia jon pracavaŭ na Śvietłahorskim zavodzie žalezabietonnych vyrabaŭ. Na praŭładnych telehram-kanałach źjaviłasia «pakajannaje videa» z mužčynam, dzie paviedamlałasia, što «za rehistracyju ŭ «Płanie Pieramoha» jamu inkryminujecca art. 361-1 KK (udzieł u ekstremisckim farmavańni)».
Paśla sutak u miascovym IČU Juryja asudzili za «niepadparadkavańnie i łajanku ŭ hramadskim miescy» pa art. 19.1 i 24.3 KaAP, aštrafavali na čatyry bazavyja vieličyni i adpuścili na volu.
Pa infarmacyi krynic z Centralnaha SK Homiela, suprać byłoha nastaŭnika ź Śvietłahorska sapraŭdy zaviali kryminalnuju spravu pa art. 361-1 KK (udzieł u ekstremisckim farmavańni). Paviedamlajecca, što praz dva tydni — 17 sakavika — jaho znoŭ zatrymali i źmiaścili ŭ IČU Homiela, dzie Kažamiaku vystavili abvinavačvańnie. Praz troje sutak Juryja adpuścili na volu pad padpisku ab niavyjeździe.
Pa infarmacyi miascovych pravaabaroncaŭ, paśla zatrymańnia ź Juryjem na pracy skasoŭvajuć kantrakt da jaho skančeńnia. Mužčyna zastajecca biez pracy i srodkaŭ dla isnavańnia.
