Fota Julii Daraškievič.

Fota Julii Daraškievič.

Zbornik vieršaŭ «Usio pa‑raniejšamu, tolki imiony źmianilisia» pabačyŭ śviet dniami ŭ sieryi «Kniharnia «Naša Niva».

— Heta vieršy całkam novyja. Jany nie drukavalisia raniej ni ŭ jakich knižkach. A niekatoryja nidzie zusim nie drukavalisia, — kaža piśmieńnik. — Asablivaść zbornika jašče ŭ tym, što ŭ jaho ŭvajšli jak vierlibry, tak i vieršy ryfmavanyja.

Hetaja knižka adrazu rychtavałasia jak «Vyspa Połack». Ale potym pryjšła novaja nazva. A papiaredniuju Uładzimir Arłoŭ vyrašyŭ pakinuć da nastupnaj knihi.

— Novuju knihu prozy, kali daść Boh, možna čakać u nastupnym hodzie. Moža jana i budzie nazyvacca «Vyspa Połack».

* * *

Z papiarednim paetyčnym zbornikam «Parom praz «Ła‑Manš» Uładzimir Arłoŭ budzie pradstaŭlać našu krainu na ahulnajeŭrapiejskim konkursie «Jeŭrapiejski paet svabody». Premija zasnavana municypalitetam polskaha horada Hdańsk. Z 46 jeŭrapiejskich krain byli vybrany siem: Biełaruś, Kipr, Słavakija, Słavienija, Sierbija, Francyja, Šviecyja. Z kožnaj krainy‑finalista vybrali pa adnym paecie, čyju knižku pierakłali i vydali pa‑polsku. Imia pieramožcy stanie viadomym padčas Mižnarodnaha litaraturnaha fiestyvalu ŭ Hdańsku ŭ nastupnym hodzie.

Siarhiej Makarevič

Клас
0
Панылы сорам
0
Ха-ха
0
Ого
0
Сумна
0
Абуральна
0