Sustaršynia arhkamitetu Biełaruskaj Chryścijanskaj Demakratyi Pavał Sieviaryniec da kanca leta znachodzicca ŭ tvorčym adpačynku na vioscy Unoryca Rečyckaha rajonu Homielskaj vobłaści.

Tut jon pracuje nad svajoj novaj knihaj, a raz‑poraz z zadavalnieńniem chodzić u hryby ŭ najbližejšy les na bierazie Dniapra. Padčas apošniaha vizitu pa baraviki dy lisički palityka čakała dziŭnaja sustreča.

— Ubačyŭ dziŭnuju istotu — niešta skača, nibyta hulaje ŭ šachmaty. Akazałasia, heta zajac, jaki daŭ siabie złavić, a jaho pavodziny prymusili mianie zanieści žyviolinu ŭ viosku,
— raspavioŭ Pavał Sieviaryniec.

— Na zajca pryjšło pahladzieć paŭvioski. A skakaŭ jon tak dziŭna, bo, akazałasia,

heta ciažarnaja zajčycha, jakaja maje chvoryja vočki.

Na siamiejnaj naradzie vyrašyli pakinuć zajčychu na azdaraŭleńnie ŭ vioscy.

— Uličvajučy abstaviny sustrečy, jakija nahadali mnie padziei suśvietna viadomaj knihi Ljuisa Kerała, ja nazvaŭ jaje Alisaj. Kansultacyi ź vieterynaram adbyvajucca praz mabilny telefon — jamu vysłali zdymki chvorych vačej žyvioły.

Novaja kvatera Alisy — iržavaja telefonnaja budka, jakaja staić u dvary babuli Sieviarynca. U Alisy dobry apietyt, jana amal nie pužajecca ludziej.

— Zajčycha dobra kormicca ź viaskovaha harodčyka. Tamu, spadziajusia, tut jana nabiare siły dy padlečycca. Voś tak u mianie źjaviŭsia svoj čaroŭny trusik, — žartuje Sieviaryniec.

MB; pavodlebchd.info

Клас
0
Панылы сорам
0
Ха-ха
0
Ого
0
Сумна
0
Абуральна
0