Fota: zelenskiy_official / Instagram
Poŭnaja zorak i blasku cyrymonija ŭ hetym hodzie budzie asablivaj, piša Sky News.
Na heta spadziajucca i kinazorki. Džejmi Dornan, adzin z akcioraŭ stužki «Biełfast» (naminant na najlepšy film hoda), kaža, što jon ličyć važnym, kab tema ŭkrainskaj vajny prahučała na cyrymonii: «Heta pravilnaje miesca, kab havaryć pra heta [vajnu]».
Režysior Adam Makkiej, jaki atrymaŭ svaju naminacyju za stužku «Nie hladzicie ŭvierch», pryznajecca, što jamu cikava, nakolki ŭkrainskaja tema siabie prajavić padčas cyrymonii. Ale, jak ličyć Makkiej, na padziei, napeŭna, šmat uvahi pryśvieciać i klimatyčnamu kryzisu — źjavie, pra jakuju ŭ apošnija miesiacy niamała havorać na Zachadzie.
Akramia naminantaŭ i haściej, jość jašče adzin vydatny akcior, jaki b naturalna hladzieŭsia na cyrymonii ŭ niadzielu. Heta prezident Ukrainy Uładzimir Zialenski, i pradziusar cyrymonii Uił Pakier nie vyklučaje mahčymaści, što my pabačym Zialenskaha na «Oskary».
Stendap-kamiedyjantka Vanda Sajks, adna z troch viadoŭcaŭ cyrymonii, raspaviadaje, što jaje stvaralniki zapłanavali «niešta, što nam padabajecca» ŭ dačynieńni da temy vajny ŭ Jeŭropie. Jana nazyvaje hety elemient cyrymonii harmaničnym i hłybokim.
Siarod favarytaŭ u baraćbie za ŭznaharodu najlepšaj stužcy nazyvajuć karciny «CODA: Dzicia hłuchich baćkoŭ», «Viestsajdskaja historyja», «Ułada sabaki» i «Biełfast». Najlepšym akcioram, napeŭna, nazavuć Uiła Śmita za rol u «Karali Ryčardzie». Nakont najlepšaj aktrysy krytyki razychodziacca: niekatoryja pradkazvajuć pieramohu Kryścien Ściuart sa stužki «Spenser: tajamnica pryncesy Dyjany», inšyja vystupajuć za Džesiku Čestejn u «Vačach Temi Fej».
Što pahladzieć. «Miunchien: na miažy vajny» — špijonski tryler pra Miunchienskuju zmovu, jaki pakidaje adčuvańnie dežaviu
Što pahladzieć. Top-6 ukrainskich filmaŭ roznych časoŭ, kab lepš zrazumieć charaktar ukraincaŭ i kulturu krainy
