Anabeła Bielikava.

Anabeła Bielikava.

 Maryna Linčuk.

Maryna Linčuk.

 Tania Dziahileva.

Tania Dziahileva.

 Volha Šerer.

Volha Šerer.

 Vieranika Ancipava.

Vieranika Ancipava.

Anabeła Bielikava

Anabele ŭsiaho dzieviatnaccać, ale jana ŭžo ličycca adnoj z samych pierśpiektyŭnych uschodniejeŭrapiejskich madelaŭ. A kaliści dziaŭčynu zvali prosta Naścia, i jana žyła z mamaj u Breście. Mienavita mama i pryviała piatnaccacihadovuju dačku na kastynh — ahienty byli ŭ zachapleńni i prapanavali Naści padpisać kantrakt z IMG Development. Z taho času Anabeła paśpieła papracavać na pakazach Prada, Nina Ricci, stać tvaram Vera Wang, a taksama paŭdzielničać u zdymkach dla časopisaŭ Vogue, Another Magazine i W.

Maryna Linčuk

21-hadovaja Maryna naradziłasia ŭ Minsku. Vučyłasia ŭ Maskvie, tam i stała madelkaj. Zdymałasia ŭ rekłamie Versace, Dior, Gap, Victoria's Secret, udzielničała ŭ pakazach Givenchy, Gucci i Christian Lacroix.

Tania Dziahileva

Budučaja supiermadel naradziłasia ŭ Viciebsku ŭ siamji ŭkrainskaha baćki i polska-biełaruskaj maci. Vučyłasia ŭ Rasii, zaśviaciłasia jašče ŭ 16 hadoŭ, kali vyjhrała ŭ konkursie «Mis Simpatyj», zładžanym «Kamsamołkaj». Paśla čaho pieramahła ŭ konkursie «Supiermadel śvietu» — i kančatkova zamacavałasia ŭ statusie miehazorki. Dziahileva ŭdzielničała ŭ pakazach Alexander McQueen, Chanel, Valentino, Hermes, a taksama zdymałasia dla vokładak rasijskaha i japonskaha Vogue i ŭ rekłamie Hugo Boss, Dior, Lanvin.

Volha Šerer

22-hadovaja Šerer naradziłasia ŭ Biełarusi, žyvie ŭ Ńju-Jorku. Prasłaviłasia jana nie ŭ apošniuju čarhu dziakujučy svaim jarkim ryžym vałasam. Volha ŭdzielničała ŭ rekłamnych kampanijach Kenzo, Lanvin, Marc Jacobs, pakazach Tsumori Chisato i Issey Miyake, trapiła na vokładki italjanskaha i francuzskaha Vogue. Jana adna ź pieršych biełaruskich madelaŭ zdoleła zajavić pra siabie na ŭvieś śviet. Bieź jaje Dziahilevaj i Bielikavaj było b našmat składaniej.

Vieranika Ancipava

Słava Vieraniki pakul nie hrymić na ŭvieś śviet, ale, pavodle prahnozaŭ śpiecyjalistaŭ, budučaje jaje čakaje hrandyjoznaje. Urešcie rešt, joj usiaho piatnaccać — jana naradziłasia ŭ Minsku ŭ 1994-m. Viadomaść joj prynieśli zdymki ŭ fatohrafa Łuisa Sančesa ŭ Ryo-de-Žanejra: Ancipava prosta zaćmiła astatnich udzielnic pracesu z samaj «madelnaj» krainy śvietu, Brazilii.

Pavodle Inthecity.ru

Клас
0
Панылы сорам
0
Ха-ха
0
Ого
0
Сумна
0
Абуральна
0