Fota: Getty Images
«Zdolnaść Amieryki vykonvać svaju rolu ŭ inšych častkach śvietu zaležyć ad adzinaj Jeŭropy, biaśpiečnaj Jeŭropy. My pra heta daviedalisia z sumnaha dośviedu dźviuch suśvietnych vojnaŭ, ale tady nie byli pryciahnutyja da stabilnaści ŭ Jeŭropie. Tamu ja ŭžo daŭno kažu, jak sienatar, člen Kamiteta pa mižnarodnych adnosinach, jak vice-prezident na praciahu vaśmi hadoŭ, i ciapier prezident, što stabilnaść u Jeŭropie krytyčna važnaja dla ZŠA», — skazaŭ Bajden.
Pa jaho słovach, jon i lidary ZŠA razhladajuć 5 artykuł NATA jak «śviaty abaviazak».
«My ŭsprymajem jak śviaty abaviazak (vykanańnie) artykuła 5, i vy možacie na heta raźličvać», — zapeŭniŭ Bajden.
Jon taksama dadaŭ, što Pucin spadziavaŭsia, što jamu ŭdasca padzialić krainy NATO svaim uvarvańniem va Ukrainu.
«Samy važny kryteryj u hetym śviecie, jaki źmianiaje čas… zaklučajecca ŭ tym, što NATA zastajecca absalutna, całkam, całkam abjadnanym. U našych punktach hledžańnia niama padziełu. Što b my ni rabili, my robim va ŭnison», — reziumavaŭ Bajden.





