Čały kaža, što va ŭmovach, kali zajaŭlenyja na pačatku vajny mety Rasijaj nie dasiahnuty, adbyvajecca źmiena rytoryki — u pryjarytet jaŭna traplaje ŭschod Ukrainy, zachop Danieckaj i Łuhanskaj abłaściej. Analityk adznačaje stratu mahčymaści vieści bajavyja dziejańni z takoj ža intensiŭnaściu i mahčymy pierachod Rasii da abarončych dziejańniaŭ na ŭžo akupavanych terytoryjach. 

Va ŭjaŭleńni Pucina vajna adbyvajecca nie z Ukrainaj, a z Zachadam, i sankcyi im usprymajucca jak abjaŭleńnie vajny. 

Čały prahnazuje stvareńnie paŭnavartasnaj prahramy lend-lizu dla Ukrainy. Na jaho dumku, čym daŭžej budzie ciahnucca kanflikt, tym bolej šancaŭ udziełu ŭ im jeŭrapiejskich krain. Havorka chutčej nie pra NATA, a pra kaalicyju ŭschodnieŭrapiejskich dziaržaŭ. 

Razvažajučy pra pierśpiektyvy vykarystańnia jadziernaj zbroi, analityk kaža:

«Čym mieniej budzie pośpiechaŭ, tym bolej budzie žadańnie eskałacyi».

Čały miarkuje, što ŭ vypadku pierachodu Rasii da varyjanta doŭhaj akopnaj vajny ŭzrastaje vierahodnaść udziełu ŭ joj biełaruskaj armii. A Kitaj, jaki daŭno pazicyjanuje siabie jak anty-Zachad, chutčej za usio ŭ vyniku apyniecca za novaj žaleznaj zasłonaj na adnym baku z Rasijaj. Što faktyčna pryviadzie da stvareńnia kanstrukcyi Rasija — vasał Kitaja, Biełaruś — vasał Rasii.

Клас
2
Панылы сорам
4
Ха-ха
1
Ого
0
Сумна
1
Абуральна
2