Ilustracyjnaje fota photo.bymedia.net

Ilustracyjnaje fota photo.bymedia.net

Apieratar zdymačnaj hrupy prahramy «ČP.Rasśledovanije» telekanała NTV Juryj Babienka raskazaŭ padrabiaznaści taho, jak ich z karespandentam Alaksiejem Małkovym vysyłali ź Biełarusi.

— Raskažycie, jak nasamreč razhortvalisia padziei?

— Toje, što ja pračytaŭ u Internecie, praktyčna ŭsio praŭda. Ale nie ŭsio.

— A što niapraŭda, albo — nie zusim dakładnaja infarmacyja?

— Niapraŭda toje, što nas vyvieźli ŭ aeraport. Nas vyvieźli da miažy, u horad Orša. Tam padvieźli da samoha ciahnika, pieradali z ruk u ruki, kanfiskavali sim‑kartki z mabilnych telefonaŭ. I da samoj Maskvy my byli biez suviazi — nie mahli ni z kim źviazacca.

— A jak adbyvałasia vašaje znajomstva ź biełaruskimi śpiecsłužbami? Nakolki heta było niečakana?

— My ich zaŭvažyli ŭžo z samaj ranicy — KDB viało nas ad ranicy. My viarnulisia ŭ hatel hadzinie a 15-j, paabiedali i hadzinaŭ kala 18-j vyjšli papalić — u hateli nie palać. Zaŭvažyli, što situacyja ŭskładniajecca, furhony źjavilisia. Architektura hatelu takaja, što tam adna ściana całkam šklanaja. My žyli na trecim paviersie. Skroź hetuju ścianu my ŭbačyli, što ŭ naš bok nakiroŭvajucca čałaviek 8 u milicejskaj formie i čałaviek 10 — u cyvilnym. Tak što asabliva niečakanym ich vizit nie byŭ. Nas pasadzili ŭ furhon, vyvieźli za horad, niezrazumieła čamu, dapytali i vyvieźli ŭ Oršu. A tam užo pasadzili na ciahnik.

— Strašna było, kali ŭbačyli, što vas viazuć nie ŭ KDB, a ŭ les? Asabliva ŭličvajučy temu vašaha repartažu — pra źnikłych u Biełarusi?

— A ty jak dumaješ?!

— Nie pytalisia ŭ supravadžalnych, čamu vas viazuć u nieviadomym nakirunku?

— Nam adkazali: «Va ŭtulnaje miesca pahavaryć».

— I pra što havaryli?

— Aficyjnaja viersija: što my biez akredytacyi znachodzilisia na terytoryi Biełarusi.

— Nie było razmoŭ pra toje, što niama čaho leźci ŭ palityku? Maŭlaŭ, navošta vy ŭźniali hetuju temu?

— Čamu ž — pytalisia pra toje, što zdymali, z kim havaryli. Cikavilisia, pra što kankretna išła hutarka. Ja skazaŭ, što ničoha nie čuŭ i ničoha nie viedaju.

— Zhodna ź biełaruskim zakanadaŭstvam, za hetaje parušeńnie vas mohuć na 5 hadoŭ pazbavić mahčymaści pryjazdžać u Biełaruś. Ci nie pahražali takim pakarańniem?

— Nie, pra heta razmova nie išła. Nam viarnuli praktyčna ŭsio abstalavańnie, za vyklučeńniem kasiet sa źniatym materyjałam. Nu, i sim‑kartak.

— Atrymlivajecca, što filma pra źnikłych u Biełarusi nie budzie?

— Film, mahčyma, budzie. Heta pytańnie da kiraŭnictva. Nam paabiacali viarnuć kasiety.

— Čamu vy vyrašyli pracavać u Biełarusi bieź nieabchodnaj akredytacyi ŭ MZS?

— Heta nie ŭ majoj kampietencyi, ja nie mahu adkazać.

— Nie viedajecie, čamu tolki zaraz telekanał NTV vyrašyŭ źviarnucca da temy źnikłych u Biełarusi — upieršyniu za 10 hadoŭ?

— Hetaha ja taksama skazać nie mahu. Ja apieratar: u mianie jość zadańnie i ja jaho vykonvaju.

— Kali prapanujuć iznoŭ jechać u Minsk na zdymki — pahodziciesia?

— A čaho admaŭlacca — pryhožaja kraina, pryhožy horad.

— Vietlivyja śpiecsłužby…

— Aha, vietlivyja… Vielmi.

Źmicier Paniamonaŭ, Jeŭraradyjo

Клас
0
Панылы сорам
0
Ха-ха
0
Ого
0
Сумна
0
Абуральна
0