Nasta Kudasava. Fota: fejsbuk paetki
* * *
ja viedaju, mnie ad ciabie zastałosia ciapło.
inačaj, adkul hety žar tak nastojliva śnicca?
a ŭsio, što ŭ ziamnym vymiareńni miž nami było,
bahoŭka-siastra źbieraže na aranžavaj śpincy.
ja viedaju, mnie zastałasia davierlivaść ruk,
biazzbrojnaha dotyku ščyraść, jakoj nie schavaješ.
i navat kali ja adnojčy napraŭdu pamru —
u pamiaci palcaŭ tvaich ja harećmu žyvaja.
chaj viek sabie ŭrešcie zaciahnie na šyi łaso,
chaj sprachnie ajčyna ŭ saboju ž atručanym dymie…
dy ŭ pamiaci našych ściažynak i našych lasoŭ
my žyćmiem zaŭsiody — ščaślivymi i maładymi.
