Fota: Andrej Maryjenka, UNIAN

Fota: Andrej Maryjenka, UNIAN

«Ciapier skančvaju adno rasśledavańnie, jakoje, spadziajusia, na dniach apublikuju razam z The Insider, pra toje, kolki hrošaj było vydatkavana FSB, kab harantavać padtrymku cieniavoha palityčnaha kłasa va Ukrainie hetaj vajny i stvareńnie niejkaha ŭnutranaha dziaržaŭnaha pieravarotu adrazu paśla ŭvarvańnia. I voś tam havorka idzie pra miljardy — dalaraŭ, a nie rubloŭ. Było vydatkavana z 14-ha hoda pa siońnia. Heta było 150-160 vysokaapłatnych aficeraŭ FSB. Kožny ź ich mieŭ nieabmiežavany biudžet, kab vierbavać ukraincaŭ luboha ŭzroŭniu. Jany vierbavali na papiery, i potym akazałasia, što jany lacieli, kab sustrakacca ź imi ŭ Tajłandzie, na Maldyvach, Kipry. Hetyja hrošy jany vydatkavali na sustrečy», — raspavioŭ jon.

Pa jaho słovach, ahientura nie spracavała.

«Ukrainskija ahienty, jakija brali hrošy, jany kinuli. Prosta kinuli», — rastłumačyŭ jon.

Jon taksama raspavioŭ, što kamanda Bellingcat viała padliki strat rasijskaj armii i spyniłasia na ličbie kala 3 tysiač. Heta było prykładna tady, kali Minabarony RF ahučyła ličby ŭ 498 zahinułych i 1597 paranienych, to-bok u pačatku sakavika. Rasśledvalniki padličvali kolkaść źniščanaj techniki i brali siaredniuju kolkaść ekipaža. Jany dasiahnuli 3 tysiač i spynili padliki, bo paličyli bolš važnym zaniacca kolkaściu zahinułych siarod mirnych žycharoŭ.

Što tyčycca rasiejskich strat, žurnalist nazvaŭ ličbu 9 tysiač vielmi łahičnaj. Jon ličyć, što jana sychodzicca z tempam vajny.

«Ja dumaju, 8-9 tysiač — heta realnaja ličba ciapier», — skazaŭ jon.

Клас
0
Панылы сорам
1
Ха-ха
1
Ого
0
Сумна
0
Абуральна
0