Sud Leninskaha rajona Bresta 18 žniŭnia razhledzieŭ materyjały administracyjnaj spravy ŭ dačynieńni da kaardynatara Ruchu «Za Svabodu» pa Breście Dzianisa Turčaniaka.

Jak paviedamiŭ BiełaPAN pravaabaronca Raman Kiślak, sud pryznaŭ Turčaniaka vinavatym na padstavie art. 23.4 Kodeksa ab administracyjnych pravaparušeńniach (niepadparadkavańnie zakonnamu rasparadžeńniu abo patrabavańniu słužbovaj asoby pry vykanańni joju słužbovych paŭnamoctvaŭ) i aštrafavaŭ na 40 bazavych vieličyniaŭ (1 miljon 400 tysiač rubloŭ).

Pavodle słoŭ pravaabaroncy, Turčaniaka zatrymali 17 žniŭnia ŭ 18.20 niepadalok ad pomnika, pryśviečanaha historyi Bresta, na skryžavańni vulic Savieckaja i Hohala, dzie ŭ 18.00 adbyŭsia fłešmob miascovych aktyvistaŭ demsił.

Dzianis Turčaniak i aktyvist mižnarodnaha hramadskaha abjadnańnia «Małady front» (Čechija) Michaił Iljin nazirali za akcyjaj. Da Iljina padyšli dva čałavieki ŭ cyvilnym i paviali jaho ŭ adzin z dvaroŭ na vulicy Hohala. Śviedka hetaha incydentu Turčaniak pajšoŭ za imi, i jaho taksama zatrymali. Zatym abodvuch aktyvistaŭ dastavili ŭ Leninski RAUS. Tam u dačynieńni da zatrymanych byli składzieny administracyjnyja pratakoły. U dačynieńni da Turčaniaka — za niepadparadkavańnie zakonnamu rasparadžeńniu abo patrabavańniu słužbovaj asoby pry vykanańni joju słužbovych paŭnamoctvaŭ, Iljina — za drobnaje chulihanstva. U 21.40 Dzianis Turčaniak byŭ adpuščany ź milicyi. Michaił Iljin pravioŭ noč u izalatary časovaha ŭtrymańnia.

«Siońnia ŭ sudzie Leninskaha rajona adkładzieny razhlad administracyjnaj spravy Michaiła Iljina, bo jon zajaviŭ ab vydzialeńni jamu advakata. Data praviadzieńnia sudovaha pasiadžeńnia — 25 žniŭnia, pačatak u 10.00», — paviedamiŭ Kiślak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?