Śviatłana Cichanoŭskaja ŭ Varšavie. Fota Paŭła Kryčko.
Na sustrečy abmiarkoŭvalisia nastupnyja važnyja dla mnohich biełarusaŭ pytańni:
- Viartańnie pašpartoŭ hramadzian Biełarusi, padadzienych u konsulskija ŭstanovy Polščy ŭ Kijevie, Charkavie, Adesie, Vińnicy, Łucku i Lvovie.
- Varyjanty afarmleńnia lehalnaha statusu biełarusaŭ, vymušanych vyjechać z achoplenaj vajnoj Ukrainy.
- Vydaču i padaŭžeńnie humanitarnych vizaŭ na terytoryi Polščy.
- Paskareńnie vydačy rašeńniaŭ u pracedury mižnarodnaj abarony.
- Vydaču polskich prajaznych dakumientaŭ biełarusam, u jakich zakančvajecca termin dziejańnia pašparta abo kali jon sapsavany ci zhubleny.
- Źmieny ŭ zakanadaŭstva dla vydačy «humanitarnaha pobytu» biełarusam na praciahły termin.
- Vypadki dyskryminacyi biełarusaŭ i jak reahavać na ich.
Namieśnik ministra ŭnutranych spraŭ Polščy Bartaš Haradziecki z hetaj nahody zapeŭniŭ:
«Usie biełarusy, jakija prybyli z Ukrainy, znachodziacca na terytoryi Polščy lehalna i nie pavinny bajacca za svaju biaśpieku. Afarmleńnie pobytu — heta farmalna-pravavoje pytańnie, jakoje patrabuje času dla jaho rašeńnia, a taksama źmienaŭ u zakanadaŭstvie. Biełarusy mohuć być upeŭnienyja, što Polšča ich padtrymlivaje».
Sustrečy pracoŭnaj hrupy MUS z udziełam Ofisa Cichanoŭskaj i CBS buduć prachodzić na rehularnaj asnovie. Nastupnaja sustreča zapłanavanaja ŭžo na hetym tydni.
