Pra harantyi biaśpieki
Stambuł dazvoliŭ zafiksavać šerah najvažniejšych damoŭnych pazicyj, jakija pryniała da razhladu Rasija. Damova ab harantyjach biaśpieki, pa sutnaści, praduhledžvaje nie ŭ teoryi, a na praktycy atrymańnie dziejsnaha instrumienta abarony našaj terytoryi i suvierenitetu. Krainami-harantami stanoviacca, skažam tak, viadučyja armii śvietu, u tym liku ź jadziernym kampanientam, jakija prymajuć na siabie kankretnyja jurydyčnyja abaviazalnictvy — pa ŭmiašańni ŭ luby kanflikt na terytoryi Ukrainy, pa nieadkładnych pastaŭkach zbroi.
Treba skazać, što hetaja damova dazvalaje taksama pačać pierahlad staroj madeli hłabalnaj biaśpieki, jakaja nie prajaviła ŭ ciapierašniaj situacyi efiektyŭnaści, i pierajści da bolš dziejsnych madelaŭ. Ukraina vyhladaje mocna mienavita ŭ jakaści inicyjatara reformy hłabalnaj architektury biaśpieki.
Asobna skažu, što prysutnaść naroŭni z ZŠA, Vialikabrytanijaj, Turcyjaj, Hiermanijaj, inšymi krainami Rasii ŭ jakaści krainy-padpisanta šmatbakovaj damovy nakładaje na rasijan šmat dadatkovych abciažarańniaŭ i dazvalaje nam nie iści na składany dvuchbakovy farmat. Tolki ŭ ramkach šmatbakovaj damovy možna paźbiehnuć tradycyjnaj rasijskaj nieabaviazkovaści pa jurydyčnych damovach.
Šaniec na ŭvachodžańnie ŭ Jeŭrasajuz
Dadatkova Ukraina atrymlivaje harantyi abaviazkovaha ŭvachodžańnia ŭ Adziny rynak Jeŭrasajuza ŭ jakaści paŭnavartasnaha člena. Što nadzvyčaj važna — i ŭ častcy finansavańnia abjomnych prahramaŭ madernizacyi ekanomiki, i ŭ častcy admovy ad praźmiernych biurakratyčnych pracedur na šlachu ŭvachodu ŭ Jeŭrasajuz.
Pytańnie Kryma
Asabliva chaču vyłučyć raździeł, jaki tyčycca Kryma. Pramyja dvuchbakovyja pieramovy pa krymskaj prablematycy i fiksacyja ciapierašniaha stanovišča na 15 hadoŭ — heta revalucyjnaja prapanova. Bo heta aznačaje, jak minimum, viartańnie temy Kryma ŭ paradak dnia pieramovaŭ. Da hetaha rasijanie kateharyčna admaŭlalisia ad hetaha.
Akramia taho, heta dazvalaje zachavać ciapierašnija jurydyčnyja traktoŭki Kryma, bo dla nas Krym, biezumoŭna, źjaŭlajecca častkaj Ukrainy. Admova ad uzajemnaj vajennaj eskałacyi pa krymskim pytańni — kluč da ahulnaha spynieńnia vajny.
Čytajcie taksama:
Padalak raspavioŭ, jak budzie pracavać damova ab harantyjach biaśpieki Ukrainy
