Jość i pieršy kamientar, pakul nieaficyjny:
«19-ja rakietnaja bryhada naniesła dakładny ŭdar rakietaj Točka-U pa składzie rakietna-artyleryjskaha ŭzbrajeńnia US RF u pasiołku Krasny Akciabr pad Biełharadam. Z hetych składoŭ Rasija pastaŭlaje bojeprypasy dla zabojstva ŭkraincaŭ», — piša ŭkrainski vajenny žurnalist Juryj Butusaŭ.
Nieŭzabavie Butusaŭ papraviŭ svoj post, napisaŭšy ŭ pačatku jaho, što hetaja infarmacyja padajecca «pavodle paviedamleńniaŭ rasijskich ŚMI».
Hubiernatar Biełharadskaj vobłaści Viačasłaŭ Hładkoŭ paćvierdziŭ infarmacyju pra vybuchi. Što mienavita adbyłosia, jon nie ŭdakładniŭ, zajaviŭšy tolki, što pryčynu paviedamić paźniej. Pa jahonych słovach, achviar i paciarpiełych siarod žycharoŭ niama.
TASS nieŭzabavie paviedamiŭ, što snarad patrapiŭ u vajskovy haradok u Biełharadskaj vobłaści. Pavodle dadzienych ahienctva, paranienyja čaćviora vajskoŭcaŭ.
A voś krynica inšaha rasijskaha dziaržaŭnaha ahienctva, RIAN, piarečyć TASS: «Pryčynaj vybuchaŭ pad Biełharadam, papiarednie, staŭ čałaviečy faktar».
