Pavodle jaho słoŭ, rašeńnie admovicca ad rasijskaha vuhalu Polšča prymaje ŭ adnabakovym paradku, nie čakajučy rašeńnia Jeŭrakamisii. U krasaviku adpaviedny zakonaprajekt budzie padadzieny ŭ Siejm.
Maraviecki taksama anansavaŭ admovu ad rasijskaj nafty da kanca hoda.
«My siońnia padyšli da taho, što my ŭžo šmat u čym niezaležnyja, ale i tut my pradstaŭlajem samy radykalny ŭ Jeŭropie płan pa admovie ad rasijskaj nafty da kanca hetaha hoda», — skazaŭ jon.
Kiraŭnik polskaha enierhietyčnaha kancerna Orlen Daniel Obajtek zajaviŭ, što litoŭski NPZ kampanii ŭžo admoviŭsia ad rasijskaj syraviny. Sioleta ŭ Orlen zakančvajecca kantrakt na rasijskuju naftu. Jon nie budzie praciahvacca. Jašče adna damova ab pastaŭkach budzie dziejničać da 2024 hoda, ale kampanija razhladaje roznyja scenaryi dla vykanańnia abiacańnia ab admovie ad rasijskaj syraviny.
Matevuš Maraviecki taksama zaklikaŭ Jeŭrakamisiju ŭvieści padatak na rasijskija enierharesursy.
«Zaklikaju siońnia Jeŭrakamisiju, kab uviała padatak na rasijskija vuhlevadarody tak, kab handal taksama byŭ spraviadlivy, i kab ekanamičnyja ŭmovy byli roŭnymi na adzinym jeŭrapiejskim rynku», — skazaŭ jon.
