Babickamu było 57 hadoŭ.
Jon atrymaŭ viadomaść, pracujučy karespandentam u hady pieršaj i druhoj čačenskich vojnaŭ, prytym vykazvaŭ spačuvańnie čačencam.
U 2000 hodzie jaho spačatku zatrymali rasijskija siłaviki, a paśla abmianiali na pałonnych rasijskich sałdat. Čačency Babickaha vyzvalili, ale nieŭzabavie paśla hetaha jaho znoŭ zatrymali ŭ Rasii, aštrafavaŭšy z-za padroblenych dakumientaŭ.
Pracu Babickaha ŭ Čačni krytykavaŭ Uładzimir Pucin, jaki ŭ toj čas byŭ kandydatam u prezidenty. «Niadobra supracoŭničać z bandytami i pisać, što jany hałovy adrazajuć našym sałdatam, kab pakazać uvieś žach hetaj vajny», — kazaŭ tady Pucin.
Na «Radyjo Svaboda» Babicki pracavaŭ da 2014 hoda, ale, jak i mnohija inšyja rasijanie z reputacyjaj demakrataŭ, nie vytrymaŭ ideałahičnaha vyprabavańnia «ruskaj viasnoj». U 2014 hodzie jon padtrymaŭ dałučeńnie Kryma da Rasii i pakinuŭ «Radyjo Svaboda». Z 2015 hoda jon pracavaŭ u DNR, pisaŭ dla rasijskich ŚMI. Pa apošnim etapie bijahrafii, chutčej za ŭsio, jaho i buduć aceńvać u cełym.
