Abstralany pomnik achviaram Chałakostu pad Charkavam. Fota: Andrej Maryjenka / UNIAN

Abstralany pomnik achviaram Chałakostu pad Charkavam. Fota: Andrej Maryjenka / UNIAN

Kaniečnie, jość vialikaja roźnica pamiž hitleraŭskim i pucinskim uvarvańniami.

Nacysckaja vajennaja mašyna była vielizarnaj, pavarotlivaj i dobra treniravanaj. U červieni 1941 hoda, za pieršy tydzień uvarvańnia, sałdaty viermachta zabili i paranili 150 tysiač sałdat Čyrvonaj armii. Jany zachoplivali vialikija terytoryi i brali šmat pałonnych — adnojčy zachapili ŭ akružeńnie navat 700 tysiač čałaviek, piša CNN.

Nielha taksama paraŭnoŭvać lidaraŭ krain, što abaraniajucca ad uvarvańniaŭ — Iosifa Stalina i Uładzimira Zialenskaha. Stalin byŭ sacyjapatam, na rukach jakoha — kroŭ zahinułych padčas represij i Haładamora. Zialenski — demakratyčna vybrany lidar, jaki viadzie ŭkraincaŭ napierad i natchniaje śviet svajoj mužnaściu i abaronaj demakratyi.

Ale kali pahladzieć bližej, bačna paraleli pamiž vojnami z Hitleram i Pucinym. Vajennyja historyki kažuć, što rasijski lidar paŭtaraje jak minimum try pamyłki Hitlera.

Pucin zabyŭ bazavaje praviła viadzieńnia vajny

Ruch rasijskich tankaŭ va Ukrainie zamarudziŭsia pa dziŭnaj pryčynie — praź niedachop paliva. I heta tolki častka bolš vialikaj prablemy, jakaja, poruč z supracivam ukraincaŭ, rušyć płany ruskaj armii — łahistyčnych ciažkaściej.

Pucin maje prablemy z tym, kab dastaŭlać svajoj armii ježu, paliva i abmundziravańnie. Jość źviestki pra toje, jak rasijskija sałdaty hrabiać banki i supiermarkiety, vykarystoŭvajuć srodki suviazi, jakija nie adpaviadajuć standartam (naprykład, smartfony), a rasijskija tanki zastajucca biez paliva.

Drennaja łahistyka taksama syhrała važnuju rolu ŭ parazie nacysckaj Hiermanii na ŭschodnim froncie, dzie Hitler taksama čakaŭ chutkaj pieramohi. Niamieckaja armija nie zdoleła ŭličyć pry płanavańni pastavak toje, nakolki vialikim byŭ Saviecki Sajuz i z nakolki ciažkaprachodnaj miascovaściu sutyknuŭsia viermacht na tym froncie.

Kali pačałasia ruskaja zima, nastupstvy drennaj łahistyki akazalisia śmiarotnymi. Kali vajna pačałasia, nacysty nie vydzialili armii ciopłaje adzieńnie, bo dumali, što bajavyja dziejańni skončacca raniej za zimu. U vyniku niamieckija sałdaty vajavali na marozie ŭ letniaj formie. Za pieršuju zimu vajny niedzie 250 tysiač ź ich atrymali abmaražeńni ci pamierli praź źviazanyja z choładam niedamahańni. Samaja ciažkaja situacyja dla niemcaŭ skłałasia padčas Stalinhradskaj bitvy, kali, kab vyžyć uzimku, sałdatam daviałosia jeści koniej, sabak i pacukoŭ.

Pucin razzłavaŭ patencyjnych sajuźnikaŭ

Internet napoŭnieny śviedčańniami taho, što ekśpierty ličać standartnym padychodam Pucina da viadzieńnia vajny: jon zabivaje ahułam usich mirnych žycharoŭ, kab złamać volu ŭkrainskaha naroda. Rasijskuju armiju abvinavačvajuć u bambardziroŭkach handlovych centraŭ, špitaloŭ, žyłych damoŭ i teatra ŭ Maryupali, pierad jakim było napisana vialikimi litarami i pa-rusku «dzieci». Ale žorstkaść rasijskaj armii maje advarotny efiekt: ukraincy reahujuć na jaje tolki rostam nianaviści da akupantaŭ.

Pry hetym Pucin moh by znajści sajuźnikaŭ siarod mirnych ukraincaŭ, bo Rasija i Ukraina — słavianskija nacyi, jakija majuć šmat suviaziaŭ. Šmat ukraincaŭ majuć rodnych u Rasii i hutarać pa-rusku, i va ŭschodniaj Ukrainie da Rasii zaŭsiody stavilisia dobra. Toje ž, jak siabie zaraz pavodzić rasijskaja armija, tolki abjadnoŭvaje ŭvieś ukrainski narod suprać Rasii.

Heta vielmi padobna da taho, jak žorstka hitleraŭcy stavilisia da savieckich hramadzian. Hitler moh znajści šmat sajuźnikaŭ u SSSR, bo tam šmat chto byŭ niezadavoleny isnujučym režymam i masavymi represijami. Voś čamu niekatoryja ludzi ŭ SSSR spačatku stavilisia da Hitlera jak da vyzvaliciela.

Ale žorstkaje staŭleńnie hitleraŭcaŭ da mirnych hramadzian chutka spryjała rostu savieckaha supracivu. Niemcy rabavali savieckija harady, pieraśledvali jaŭrejaŭ i inšyja mienšaści, a niamieckaja prapahanda raskazvała, što savieckija ludzi zasłuhoŭvajuć tolki śmierci ci rabstva. U SSSR tak nienavidzieli Stalina, što prykładna miljon savieckich hramadzian słužyli ŭ niamieckaj armii, ale žorstkaść Hitlera nie dała jamu šans zavajavać ich simpatyi.

Kab apraŭdać vajnu, Pucin hutaryć na adnoj movie z Hitleram

Niekatoryja pucinskija krytyki kažuć, što jon vykarystoŭvaje padobnuju da nacysckaj movu i techniki prapahandy, kab abhruntavać uvarvańnie va Ukrainu. Tak, litara Z na rasijskich tankach padobnaja da nacysckaj svastyki, a sumnaviadomy mitynh u Łužnikach 18 sakavika i vystup Pucina na im nahadvajuć pramovu Hitlera ŭ prapahandysckim filmie «Tryumf voli».

Cimaci Snajder, daśledčyk historyi Centralnaj Jeŭropy i Chałakostu, kaža, što słovy Pucina pra «denacyfikacyju» niedarečnyja, bo ich vykarystoŭvajuć, kab apraŭdać uvarvańnie ŭ niezaležnuju krainu ź jaŭrejskim prezidentam — Rasija nibyta vajuje va Ukrainie, kab pieramahčy nacyzm.

Vystupy Pucina taksama nahadvajuć hitleraŭskuju rytoryku. U «Majn Kampf» Hitler pisaŭ pra stračanuju mahutnaść Hiermanii, suśvietnyja zmovy, što spryjali hetaj stracie, i apraŭdvaŭ napad na inšuju hrupu ludziej. Anałahičnyja słovy my čujem i ad Pucina, tolki zamiest Hiermanii razmova idzie pra Rasiju.

Prodki šmat kaho z ukraincaŭ zahinuli padčas Chałakostu. Kali Pucin vykarystoŭvaje źviazanuju z hetaj trahiedyjaj rytoryku, kab apraŭdać vajnu, heta moža tolki dadatkova matyvavać ukraincaŭ jašče bolš zmahacca za svaju ziamlu.

Što moža być samym iraničnym u hetaj historyi

My nie viedajem, jak skončycca vajna va Ukrainie. Ale, kali ŭkraincy zdolejuć zachavać svaju terytoryju i niezaležnaść, ich pieramohu, mahčyma, pačnuć razhladać jak pieramohu ŭ jašče adnoj Vialikaj Ajčynnaj vajnie, i ŭkraincy buduć ładzić parady i stavić pomniki ŭ honar hetaj pieramohi i zahinułych. A Pucin zastaniecca ŭ historyi durniem, što zrabiŭ tyja ž pamyłki, jak i dyktatar, jakoha jon niekali publična nienavidzieŭ.

 Što takoje ORDŁO i ŭ čym roźnica pamiž BTHr i BTR? Hajd pa terminach i abrevijaturach vajny va Ukrainie

«Sami prydumali vajnu». Jak žyvie i pra što dumaje estonskaja Narva — samy ruski horad NATA

«Naša Niva» adnaŭlaje zbor danataŭ — padtrymać prosta

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?