Kinutyja čamadan i dziciačy vazok uciekačoŭ z Ukrainy na pamiežnym pierachodzie z Polščaj, 2 sakavika 2022 hoda. Fota: AP

Kinutyja čamadan i dziciačy vazok uciekačoŭ z Ukrainy na pamiežnym pierachodzie z Polščaj, 2 sakavika 2022 hoda. Fota: AP

Siejm Polščy pryniaŭ papraŭki ab dapamozie biełarusam. Adna ź ich praduhledžvaje mahčymaść vydačy humanitarnych viz hramadzianam Biełarusi, jakija ŭciakli ŭ Polšču z pryčyny vajny va Ukrainie. Biełarusy buduć vyzvalenyja ad zboraŭ za hety dakumient.

Taksama pryniataje rašeńnie, jakoje tyčycca lehalizacyi znachodžańnia hramadzian Biełarusi paśla zakančeńnia terminu dziejańnia ich humanitarnaj vizy.

Dla ich budzie stvorany novy vid časovaha dazvołu na pražyvańnie terminam na try hady. «Uładalnikam takich dazvołaŭ taksama buduć vydavacca karty znachodžańnia biez vypłaty zboraŭ», — havorycca ŭ dakumiencie.

Admova ŭ vydačy takoha dazvołu budzie adbyvacca na ahulnych padstavach.

Sa studzienia 2023 hoda ŭładalniki dazvołaŭ zmohuć atrymać polski prajazny dakumient dla inšaziemca, jaki daść jamu prava svabodna pieramiaščacca pa Šenhienskaj zonie i pierasiakać źniešnija miežy ES.

Udakładniajecca, što hramadzianie Biełarusi, jakija majuć takuju formu prava na vid na žycharstva, buduć vyzvalenyja ad nieabchodnaści mieć dazvoł na pracu.

Zajavy na atrymańnie humanitarnaj vizy mohuć być razhledžanyja ministram zamiežnych spraŭ. Hetym kiraŭnik viedamstva ciapier zajmajecca praz słužbovych asobaŭ, jakija pracujuć u vizavym centry pry konsulskim departamiencie MZS.

Клас
6
Панылы сорам
0
Ха-ха
1
Ого
1
Сумна
0
Абуральна
0