Chakiejnaja zbornaja Kazachstana

Chakiejnaja zbornaja Kazachstana

Raniej kiraŭniki adłučanych u ramkach sankcyj za ahresiju suprać Ukrainy ad suśvietnaha chakieja fiederacyj Rasii i Biełarusi poŭnilisia kazionnym aptymizmam. Tak, kiraŭnik Fiederacyi chakieja Rasii Uładzisłaŭ Traciak 18 sakavika zajaŭlaŭ:

«U pačatku maja my chočam pravieści ŭ Sankt-Pieciarburhu turnir z udziełam rasijskaj i biełaruskaj zbornych, a taksama našych moładzievaj i alimpijskaj kamand, kab usie kandydaty ŭ zbornyja byli ŭ tonusie. Da taho ž pamiž kamandami Rasiei i Biełarusi płanujecca praviadzieńnie tavaryskich matčaŭ». 

Da hetaha jon dadavaŭ:

«Jość mižnarodnyja paŭzy, my chočam u hetyja terminy zaprasić taksama kamandu Kazachstana i, mahčyma, Kitaja».

Ale Kazachstanu, u adroźnieńnie ad Biełarusi i Rasii, hulać u takim turniry niama nijakaj patreby: hetaja kraina ŭ ahresii suprać Ukrainy ŭdziełu nie prymała, tamu i z čempijanata śvietu, jaki projdzie z 13 pa 29 maja, nie vyklučanaja. A prosta ŭdzielničać u turniry ź izhojami, kab zrabić im pryjemnaje, sensu nie bačyć. 

Ciapier i ŭ Fiederacyi chakieja Rasii etap šapkazakidalnictva prajšoŭ i tam surjozna zadumalisia: ci varta ŭvohule pravodzić hety turnir? Rasijskaje vydańnie «Sport-Ekspriess» piša:

«Samaje hałoŭnaje — adsutnaść spartyŭnaha sensu. Jon i z raniejšymi ŭdzielnikami byŭ davoli naciahnuty, a paśla admovy kamandy, jakaja vystupaje na čempijanacie śvietu, naohuł usio stała zusim drenna. Hulać tryma składami zbornaj, a taksama ź biełaruskaj kamandaj — heta prosta pravieści čas».

Hałoŭny trenier rasijskaj zbornaj Alaksiej Žamnoŭ byŭ suprać hetaha turnira ad pačatku i nie źbiraŭsia asabista ŭ im udzielničać.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?