Siarod hetych 217 čałaviek — vysokapastaŭlenyja kramloŭskija čynoŭniki, aliharchi, takija jak Moše Kantar, Barys Ratenberh i Aleh Dzierypaska, inšyja viadomyja biznesoŭcy, jakija pracujuć u klučavych siektarach ekanomiki, a taksama supracoŭniki kramloŭskaj prapahandy.

Siarod pakaranych prapahandystaŭ apynulisia vialikija načalniki: hiendyrektar VHTRK Aleh Dabradziejeŭ, hiendyrektar TASS Siarhiej Michajłaŭ, hiendyrektar «Kamsamolskaj praŭdy» Uładzimir Sunhorkin, hałoŭred «Maskoŭskaha kamsamolca» Pavieł Husieŭ, prezident miedyjachołdynha «Čyrvonaja zorka» Alaksiej Pimanaŭ, hałoŭny redaktar časopisa «Nacyjanalnaja abarona» Ihar Karotčanka, hiendyrektar telekanała «Sankt-Pieciarburh» Alaksandr Malkievič.

Što tyčycca jurydyčnych asob, to sankcyi ŭviedzienyja suprać kampanij, vytvorčaść i technałohii jakich niepasredna źviazanyja z rasijskaj ahresijaj va Ukrainie — kancerna «Kałašnikaŭ», «Dziaržaŭnaj transpartnaj lizinhavaj kampanii», «Abjadnanaj ruchavikabudaŭničaj karparacyi», a taksama suprać kampanii «Ruskija mašyny» i niekalkich sudnabudaŭničych pradpryjemstvaŭ.

Ahułam abmiežavalnyja miery ES ciapier prymianiajucca da 1091 fizičnaj asoby i 80 arhanizacyj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?