Skryn zapisaŭ z anłajn-kamiery kurjerskaj słužby «SDEK» u Mazyry, praź jakuju rasijskija sałdaty-maradziory adpraŭlajuć dachaty skradzienyja va ŭkraincaŭ rečy
U ciapierašnim vydańni rasijskaha maradziorstva mianie ździviła toje, što ŭ svaich razmovach z damašnimi rasijskija sałdaty ŭvieś čas dziviacca z taho, jak «bahata», akazvajecca, žyvuć ukraincy.
I luboŭ akupantaŭ da zvyčajnaj užyvanaj bytavoj techniki i słavutych dyvanoŭ akazałasia nastolki mocnaj, što jany pry adstupleńni nie brali z saboj navat cieły svaich zabitych tavaryšaŭ, pakolki ŭ hruzaviku abo BMP miesca mała, a ŭ pralnaj mašynie karyści našmat bolš, čym u biessensoŭnym śmiardziučym kavałku padhniłaha miasa.
Pryčyna majho ździŭleńnia była ŭ tym, što, pavodle aficyjnaj statystyki MVF, rasijanie bolš čym u dva razy bahaciejšyja za ukraincaŭ. VUP na dušu nasielnictva pa parytecie pakupnickaj zdolnaści ŭ RF bolšy za 30 tysiač dalaraŭ, a va Ukrainie — mienšy za 15 tysiač.
Jak ža možna zachaplacca «bahaćciem» ukraincaŭ, kali ty sam u siarednim bahaciejšy ich u dva razy? Ja staŭ šukać pryčynu. I, zrazumieła, jana lažała na pavierchni: usia sprava ŭ raŭnamiernaści raźmierkavańnia hetaha bahaćcia.
Va Ukrainie 10% samych bahatych hramadzian bahaciejšyja za 10% samych biednych u 6 razoŭ. Taki ž prykładna pakazčyk va ŭsich skandynaŭskich krainach, jakija ličacca ŭzoram sacyjalnaha miru i spraviadlivaści.
U Rasii 10% samych bahatych bahaciejšyja za 10% samych biednych amal 13 razoŭ! Vyšej tolki ŭ ZŠA (ale jany ŭ cełym pa dušavym dachodzie bahaciejšyja za Rasiju ŭ 2,5 raza) i ŭ afrykanskich krainach typu Sieniehała…
Kali da hetaj žachlivaj niaroŭnaści ŭ Rasii dadać jašče i toje, što bahaćcie ŭ Rasii zasiarodžanaje ŭ asnoŭnym u Maskvie i zbolšaha ŭ Pieciarburhu (a žychary rasijskich stalic vajavać nie chočuć i nie buduć), to možna z upeŭnienaściu skazać: na Ukrainu napała armija žabrakoŭ, dzikich ludziej z samych biednych kutkoŭ spustošanaj i raskradzienaj krainy.
Pryčym takaja dzikaja sacyjalnaja niespraviadlivaść — heta praktyčna całkam nabytak «sytych» pucinskich hadoŭ. Heta vyklučna jaho zasłuha. Žabrackaja kraina, z elitaj, jakaja łopajecca ad bahaćcia, žyvie tolki ŭ dvuch haradach — heta toje, čaho damohsia Pucin za 22 hady svajho kiravańnia.
Nie dziva, što ŭ abarvanca adkul-niebudź z Ułan-Ude padaje płanka, kali jon bačyć mikrachvaloŭku, pra jakuju jon tolki čuŭ ad «bahatych» siabroŭ. Dziela takoha skarbu jon hatovy kinuć usio: svajho tavaryša, ataku, jakuju pačało jaho padraździaleńnie, svaju zbroju…
Dyvan z chaładzilnikam, jak tolki jany apynulisia ŭ jaho rukach, zaniali ŭsiu jaho hałavu. Jon užo bolš nie moža ni pra što dumać, jak tolki pra toje, jak kłasna jany buduć hladziecca ŭ jaho zas*anym i za*ranym kłapoŭniku.
I samaje hałoŭnaje: jon užo zusim nie choča vajavać. Jon dla siabie svaju bajavuju zadaču vykanaŭ na ŭsie 146%. Dalej ryzykavać hałavoj jamu nie chočacca. Jamu chočacca chutčej da chaładzilnika i dyvana. Jamu chočacca nazad u svoj kłapoŭnik. Dalej vajavać jon nie bačyć sensu.
Zachapleńnie rasijskaha sałdata zamožnaściu ŭkraincaŭ daje jasnuju karcinu taho, da jakoj halečy davioŭ Pucin svoj narod. U jakich cykłapičnych maštabach jon jaho abakraŭ, kali navat žychary samaj biednaj krainy Jeŭropy zdajucca rasijanam nadzvyčaj, niejmavierna bahatymi…
Zrazumieła, znachodziačysia ŭ takoj halečy, i da taho ž u žabrackich rehijonach, hetyja niaščasnyja ruskija ludzi atrymlivajuć adpaviednuju adukacyju ad žabrakoŭ-nastaŭnikaŭ u žabrackich škołach, lačeńnie ad žabrakoŭ-lekaraŭ u žabrakich balnicach i h. d.
Chadarkoŭski mnie raspaviadaŭ, što ŭ zonie jon uvieś čas sustrakaŭ absalutna niepiśmiennych zekaŭ. Ludziej, jakija nie mahli ni pisać, ni čytać, a ŭ pratakołach dopytaŭ stavili kryžyki…
Voś jakija sałdaty pryjšli da vas vajavać, darahija ŭkraincy. Ciapier vam zrazumieła, čamu ich tanki nie jeduć, a harmaty — nie stralajuć? Ciapier zrazumieła, čamu jany maradziorstvujuć i zabivajuć? Pucin davioŭ svoj narod da stanu bydła. I pieratvaryŭšysia ŭ statak, jany pryjšli va Ukrainu, «ratavać», jak im patłumačyli, «ruskich ad nacystaŭ»…
«My pryjšli pa svajo, Rasija — moc». Jak žychary rasijskaha Rubcoŭska reahujuć na fakt maradziorstva ziemlakoŭ
Prajekt «Biełaruski Hajun» publikuje piersanalnyja źviestki rasijskich sałdat-maradzioraŭ. Rekardsmien pierasłaŭ dachaty amal paŭtony
«U kłubie «vyzvalicieli» pačali pahražać bajavoj hranataj». Jak prychod rasijskich vajskoŭcaŭ adbiŭsia na Mazyry
