Daradca kiraŭnika Ofisa prezidenta Ukrainy Alaksiej Arastovič. Fota: UNIA

Daradca kiraŭnika Ofisa prezidenta Ukrainy Alaksiej Arastovič. Fota: UNIA

U intervju jutub-kanału «Fiejhin Live» Alaksiej Arastovič kaža, što zajavam pra 60—90 tysiač rasijskich sałdat na ŭschodzie Ukrainy nie varta vieryć.

«60—70 tysiač — heta prykładna ŭsia hrupiroŭka ciapier na terytoryi Ukrainy. Kali dadać armiju «ŁNR», «DNR», Rashvardyju, 90 tysiač atrymajecca. Ja dumaju, 30—40 tysiač tam [na ŭschodzie Ukrainy] — i heta vialikaja kolkaść nasamreč».

Arastovič kaža, što nastup zaraz viadziecca ŭ dvuch miescach: Maryupal i Izium. Na poŭdni rasijskaj armii nie ŭdajecca prasunucca.

Na Danbasie, pa jaho słovach, nastup pačaŭsia try dni tamu.

«Usie čakajuć druhi ešałon. A druhi ešałon — heta 10 BTH (bataljonna-taktyčnych hrup), jakija dajazdžajuć z uschodu [Rasii] i tyja, kaho vyvieli z poŭnačy ŭ nas — ad Kijeva, Čarnihava i Sum — dla taho, kab tudy pierakinuć. Apošnija jašče nie hatovyja i tyja nie dajechali.

14-ha pačnuć uvodzić druhi ešałon. Ale miarkujučy pa niekatorych padrabiaznaściach, treba pahladzieć, ci buduć uvodzić jaho abo pabierahuć. Pa adnoj prostaj pryčynie — bo nie vielmi atrymlivajecca ŭ pieršaha ešałona i druhi nie vielmi haryć ustupać u boj. Uvieś čas adsoŭvajucca daty adnaŭleńnia bajazdolnaści. Ja b na miescy rasijskich pałkavodcaŭ ich taksama prytrymaŭ. Raptam my pačniem nastupać i treba budzie adbivacca — a čym? Heta apošnija sałdaty vialikaj Rasii».

Клас
24
Панылы сорам
1
Ха-ха
6
Ого
6
Сумна
5
Абуральна
6