Alaksandr Čarviakoŭ
«Z boku zachodnich niedružalubnych krain ja b nazvaŭ heta ekanamičnym hienacydam. Całkam źniščyć šerah halin, jakija źjaŭlajucca klučavymi dla našaj ekanomiki. Heta, viadoma, naściarožvaje», — skazaŭ Alaksandr Čarviakoŭ.
Razam z tym, pavodle ministra, jość mahčymaści heta praduchilić:
«Pa-pieršaje, taja pradukcyja, jakaja pastupaje na źniešnija rynki ŭ niedružalubnyja krainy, maje vysokuju kankurentazdolnaść jak pa canie, tak i pa jakaści. Pa-druhoje, mienavita na hetyja tavary na siońniašni dzień vysoki popyt u śviecie».
Čarviakoŭ źviarnuŭ uvahu, što zaraz rastuć ceny i na ŭhnajeńni, i na pradukty charčavańnia, i na draŭninu, i na pradukty chimičnaj pramysłovaści. Tamu pradać hetyja pradukty lohka, adno što treba znajści kamu. Pošukam pakupnikoŭ ciapier i zajmajucca.
Siarod mieraŭ pa padtrymcy pradpryjemstvaŭ, jakija pracujuć na źniešnich rynkach, ministr nazvaŭ nastupnyja:
1) pavieličeńnie na Br300 młn kredytavańnia eksparcioraŭ;
2) pavieličeńnie terminaŭ viartańnia kredytaŭ z 6 da 12 miesiacaŭ;
3) pašyreńnie śpisu tavaraŭ, jakija možna kredytavać, da jaho dałučanyja pradukty charčavańnia;
4) źniaćcio abmiežavańniaŭ na sumu kantraktu. Kali raniej minimalny ŭzrovień kantrakta dla kredytavańnia byŭ $3 młn, to siońnia ŭ bank pa kredyt možna iści praktyčna ź luboj canoj.
