Łatvijskija śpiecsłužby pa padazreńni ŭ špijanažy zatrymali hramadzianina Biełarusi, paviedamlaje partał Delfi.
Pavodle źviestak raźviedki, biełarus atrymlivaŭ infarmacyju ab vajskovych abjektach Łatvii i abjektach krytyčnaj infrastruktury, u tym liku nielehalna zdymajučy ich na kamieru. Usio heta, na dumku viedamstva, jon rabiŭ u intaresach biełaruskich śpiecsłužbaŭ.
U dačynieńni da biełarusa zaviali kryminalnuju spravu pavodle č. 1 art. 85 KK Łatvii (niezakonny zbor nieraskrytaj infarmacyi ŭ metach pieradačy zamiežnaj dziaržavie abo zamiežnaj arhanizacyi).
Maksimalnaja sankcyja pa hetym artykule — da dziesiaci hadoŭ pazbaŭleńnia voli z vyprabavalnym terminam da troch hadoŭ.
Padčas śledstva kanfiskavali techniku abvinavačanaha. Zatrymany znachodzicca pad vartaj.
