Spačatku rodnym kazali, što Pavieł zatrymany na troje sutak, a paśla vyśvietliłasia, što jaho buduć trymać pad vartaj da suda.
Rodnyja jeździli u Baraŭlany pa papiery, što jamu nieabchodnaje lačeńnie, pastajannyja abśledavańni i jaho nielha trymać u takich umovach, pisali ŭ prakuraturu i administracyju Łukašenki — ale ničoha nie dapamahło.
Svajakam udałosia dabicca, kab Kučynskaha zvazili ŭ Baraŭlany na abśledavańnie, pa vynikach jakoha vidać, što stan zdaroŭja Paŭła pahoršaŭ, pačaŭsia zapalenčy praces. Kali maci pryviezła vyniki abśledavańnia śledačaj z prośbaj akazać dapamohu, taja skazała, što jon nie skardzicca i što rodnyja «hetymi dziejańniami zatrymlivajuć praces».