Pa dadzienych ahienctva, jeŭračynoŭnik zajaviŭ vysokapastaŭlenym dypłamatam ź jeŭrapiejskich krain, što rašeńnie ab hetym nieabchodna pryniać «na praciahu niekalkich dzion, a nie tydniaŭ».
U sakaviku Uładzimir Zialenski prasiŭ Zachad zakryć pavietranuju prastoru krainy, albo dać sistemy SPA, u pryvatnaści S-300. U minułuju piatnicu premjer Słavakii Eduard Chiehier paviedamiŭ, što Bracisłava pieradała Kijevu hetyja zienitnyja rakietnyja kompleksy.
Raniej u ES zajavili, što rychtujecca šosty pakiet sankcyj adnosna Rasii.
Paśla naviedvańnia Kijeva Žazep Barel napisaŭ tvit: «Hetaja vajna budzie vyjhranaja na poli bitvy».
«Uražany stojkaściu, rašučaściu i haścinnaściu Zialenskaha i Šmyhala», — napisaŭ Barel. Ja viartajusia ź jasnym śpisam zadač. 1. Hetaja vajna budzie vyjhranaja na poli bitvy. Dadatkovyja 500 młn jeŭra ź Jeŭrapiejskaha fondu miru vydzielenyja. Pastaŭki zbroi buduć prystasavanyja da patreb Ukrainy», — napisaŭ Barel.
Hety tvit kiraŭnika jeŭrapiejskaj dypłamatyi vyklikaŭ buru ŭ Maskvie.
Rasija napała na Ukrainu 24 lutaha, raźličvajučy na lohkuju pieramohu. Napad byŭ ažyćcioŭleny ŭ tym liku z terytoryi Biełarusi. Pa Ukrainie było vypuščana kala 1400 rakiet, mnohija harady pieratvoranyja ŭ ruiny, ale ŭkrainskija vojski zdoleli strymać nastup, a na asobnych kirunkach pierajšli ŭ kontrataku. Maskva nie čakała taksama ni ŭsienarodnaha charaktaru supracivu ŭkraincaŭ, ni takoj mabilizacyi krain Jeŭropy na padtrymku Ukrainy, jakaja maje miesca.
Alaksandr Łukašenka abiacaŭ, što vajna praciahniecca «3 — 4 dni» i pahražaŭ dajści da Ła-Manša, miž tym pad kaniec druhoha miesiaca vajny jaje vynik usio jašče niepradkazalny. Jeŭrapiejski sajuz upieršyniu ŭ svajoj historyi raspačaŭ apieracyju pa vajennaj dapamozie krainie, što padvierhłasia ahresii, — Ukrainie.
