Dziemčankaŭ adznačyŭ, što rasijski trubapravodny pryrodny haz zamiaścić najbolš składana, bo jon składaje 40% ahulnaha impartu ES.
Jon papraknuŭ ES i, u pryvatnaści Hiermaniju, za toje, što tam «vielmi doŭha cemientavali mif pra toje, što Jeŭropa pamre biez rasijskich enierharesursaŭ».
Pavodle jaho słoŭ, situacyja zusim inšaja — «rasijskaja enierhietyka pamre bieź Jeŭropy».
«Bieź jeŭrapiejskaha rynku rasijanam treba budzie spynić svaje hazavyja radoviščy, zakansiervavać ich, a potym, kali jany stanuć ich adnaŭlać, budzie stračana 70% hazavych radoviščaŭ. Tamu kali Pucin vyrašyć zblefavać i spynić pastaŭki hazu ŭ Jeŭropu, jon prosta razburyć svaju hazavuju infrastrukturu», — zajaviŭ namieśnik ministra enierhietyki Ukrainy.
Na dumku Dziemčankava, Jeŭropa zdolnaja całkam admovicca ad zvadkavanaha pryrodnaha hazu (ZPH) z Rasii. Letaś dola ahulnaj pastaŭki rasijskaha ZPH składała mienš za 8% suśvietnych pakazčykaŭ. Amal pałova z hetaha impartavałasia ŭ Jeŭropu.
