Fota: TASS
Mety śpiecyjalnaj vajskovaj apieracyi Rasii va Ukrainie» absalutna «razumiełyja i vysakarodnyja» — «dapamoha ludziam na Danbasie», zajaviŭ prezident Uładzimir Pucin na kasmadromie «Uschodni» ŭ Amurskaj vobłaści.
Jon vykazaŭ upeŭnienaść u tym, što mety apieracyi buduć dasiahnutyja.
«Tak i budzie. Niama nijakich sumnievaŭ», — skazaŭ jon.
Pucin zajaviŭ, što Rasija adnačasova ratuje nasielnictva Danbasa i pradprymaje miery dla harantavańnia svajoj ułasnaj biaśpieki. Pavodle jaho słoŭ, Ukrainu pačali «pieratvarać u antyrasijski płacdarm» i vyroščvać parastki nacyjanalizmu, jakija mielisia tam užo daŭno.
«Sutyknieńnie z hetymi siłami dla Rasii było niepaźbiežnaje», — adznačyŭ kiraŭnik rasijskaj dziaržavy.
Raniej Pucin nieadnarazova kazaŭ, što «zbavieńnie ad hetych pakut, ad hetaha hienacydu» žycharoŭ Danbasa było hałoŭnaj pryčynaj i zaachvočvalnym matyvam dla rasijskaj śpiecapieracyi. Jon taksama tłumačyŭ, što patrabavańnie ab demilitaryzacyi Ukrainy źjaviłasia z-za «absalutna realnaj pahrozy» dla Rasii, pakolki Ukraina płanavała ŭstupić u NATA i zahavaryła ab mahčymaści nabyć jadziernuju zbroju.