Kadr z vystupa Pucina na rasijskim telebačańni. Krynica: Reuters

Kadr z vystupa Pucina na rasijskim telebačańni. Krynica: Reuters

Śćviardžajecca, što ŭsie aficery, jakija stracili pracu, naležali da Piataj słužby FSB. Hetaje adździaleńnie było zasnavanaje ŭ 1998 hodzie, kali Pucin sam kiravaŭ FSB, kab vykonvać apieracyi ŭ byłych krainach Savieckaha Sajuza, piša The Mirror.

Siarod źniavolenych akazaŭsia i hienierał-pałkoŭnik Siarhiej Biasieda, 68-hadovy kiraŭnik Piataj słužby. Spačatku jon trapiŭ pad chatni aryšt, a paźniej jaho pieraviali ŭ sumna viadomy izalatar «Lefortava». Pa danych vydańnia, Biasiedzie pahražaje kryminalnaje abvinavačvańnie za pravał u pracy raźviedki.

Pra čystki paviedamiŭ Chrysta Hrozieŭ, vykanaŭčy dyrektar rasśledavalnickaj arhanizacyi Bellingcat. Jon śćviardžaje, što aficeraŭ pazbavili pracy «za toje, što jany paviedamlali Kramlu niepraŭdzivuju infarmacyju pra situacyju va Ukrainie pierad uvarvańniem».

U efiry jutub-kanała «Papularnaja palityka», pryśviečanym ciapierašniaj situacyi ŭ Rasii, Hrozieŭ raspavioŭ: «Mahu skazać, što, chacia značnuju častku ź ich nie aryštavali, jany bolš nie buduć pracavać u FSB».

Śpiecsłužby zapeŭnivali Pucina, što ŭkraincy buduć sustrakać rasijskija vojski z kvietkami i što rasijanie chutka dabjucca pośpiechu na ŭkrainskim froncie. U realnaści tyja sutyknulisia z usienarodnym supracivam.

Rasijski ekśpiert pa raźviedcy Andrej Sałdataŭ, jaki raspavioŭ pra pasadku Biasiedy ŭ Lefortava, kaža, što spravaj Biasiedy zajmajecca Hałoŭnaje vajennaje śledčaje ŭpraŭleńnie Śledčaha kamiteta. Śćviardžajecca, što Pucin padazraje, što płany ŭvarvańnia va Ukrainu mahli pieradać zamiežnym raźviedkam ahienty ŭ šerahach FSB.

 «Naša Niva» adnaŭlaje zbor danataŭ — padtrymać prosta

 Čytać jašče:

Usie čakajuć vyrašalnaj bitvy za Danbas. Ad čaho zaležyć, chto ŭ joj pieramoža?

Paranieny na pratestach-2020, nosić z saboj hranatu na vypadak akružeńnia: chto taki dobraachvotnik «Janki» ŭ vobrazie vusataha husara

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?