Ekshumacyja zahublenych žycharoŭ Bučy. Fota Dźmitryja Łaryna
«Žychary majho horada adznačyli značnyja ździeki i katavańni z boku rasijskich ahresaraŭ. My majem 403 cieły, jakija byli pa-źviersku zakatavanyja, zabityja».
Pavodle jaho słoŭ, 12 krasavika ŭ horadzie prystupili da ekshumacyi ciełaŭ z druhoj brackaj mahiły, dzie pachavanyja 56 čałaviek. Akramia taho, znojdzienyja jašče 4 miescy pachavańnia na pryvatnych terytoryjach.
Fiedaruk spadziajecca, što bučancy, źnikłyja bieź viestak, znojducca žyvymi. U toj ža čas, pa jaho słovach, cieły hetych ludziej mohuć znajści ŭ lesapałosach, lasach i miescach dysłakacyi akupantaŭ, bo mienavita tudy, pa słovach miascovych, jany zabirali vykradzienych ludziej.
