Fota: Lukasz Dejnarowicz / Forum
Andžej Pačobut znachodzicca ŭ turmie ŭ Žodzinie ŭ statusie padazravanaha pa kryminalnaj spravie za raspalvańnie varožaści. Rzeczpospolita adznačaje, što daviedałasia infarmacyju pra Pačobuta ad jahonych sukamiernikaŭ.
Pačobuta z 14 krasavika da 17 maja 2021 hoda trymali ŭ kamiery, dzie pravodziać apošnija dni ludzi, jakim prysudzili śmiarotnaje pakarańnie. Surazmoŭca Rzeczpospolita adznačyŭ, što miesca, dzie siadzieŭ žurnalist, nazyvajuć «rasstrelnym kalidoram».
Žonka Pačobuta Aksana paviedamiła, spasyłajučysia na słovy muža, što jahonuju spravu pieradaduć u sud da vosieni 2022 hoda.
Andžeja Pačobuta aryštavali 25 sakavika 2021 hoda. Jaho razam z Anžalikaj Borys abvinavačvajuć pa «polskaj spravie» ŭ raspalvańni varožaści. 25 sakavika Anžalicy Borys źmianili mieru ŭtrymańnia: jana znachodzicca pad chatnim aryštam i nie moža kantaktavać ź ŚMI.
