Fota: Shutterstock
Pradstaŭniki vilenskaj meryi adznačyli, što majuć infarmacyju pra nastaŭnikaŭ, jakija raspaŭsiudžvajuć rasijskuju prapahandu na zaniatkach i pakidajuć zapisy ŭ sacyjalnych sietkach pra padtrymku vajennaj ahresii va Ukrainie.
Meryja ličyć, što takija zvalnieńni — kankretny prykład taho, što kiraŭnictva škołaŭ pavinna vyjavić takich ludziej i pakłapacicca, kab ich u škole nie zastałosia, a nie čakać, kali buduć źviartacca baćki. Vice-mer Vilni Tomas Hulbinas asabista zaklikaŭ škoły i baćkoŭ infarmavać municypalitet pra kožny prablemny vypadak.
«Kali my stali vyśviatlać situacyju, nastaŭniki padali zajavy pra zvalnieńnie, ciapier ich užo niama ŭ škołach. Adnak zvalnieńnie na ŭłasnaje žadańnie nie pieraškadžaje im uładkavacca na pracu ŭ inšaj škole», — zaznačajuć u meryi Vilni.
Na hety momant zvolnilisia dvoje takich nastaŭnikaŭ. Pavodle Hulbinasa, municypalitet kansultujecca ź jurystami nakont zvalnieńnia takich nastaŭnikaŭ pavodle artykuła. Haradskaja rada pastarajecca zrabić tak, kab takija nastaŭniki nie mahli bolš uładkavacca na pracu ŭ inšuju škołu.
