Pieršapačatkova Borys Džonsan admaŭlaŭ, što parušaŭ praviły karancinu. Paźniej, adnak, jon paprasiŭ prabačeńnia za naviedvańnie mierapryjemstvaŭ, choć i nastojvaŭ, što byŭ tolki na «pracoŭnych sustrečach». Rasśledavańniem zajmałasia palicyja.
Apaviaščeńnie ab štrafach taksama atrymali ministr finansaŭ Ryšy Sunak i žonka premjer-ministra Kery Džonsan.
Usiaho palicyja Łondana rasśleduje 12 mierapryjemstvaŭ, jakija prajšli na Daŭninh-stryt i ŭ inšych uradavych budynkach padčas karancinu. Za parušeńnie praviłaŭ izalacyi inšym udzielnikam užo vypisana bolš za 50 štrafaŭ.
Džonsan staŭ pieršym dziejnym premjer-ministram Vialikabrytanii, jaki byŭ pakarany za parušeńnie zakona. Lidary lejbarystaŭ zaklikajuć jaho syści ŭ adstaŭku.