Siarod pałonnych vajskoŭcaŭ, pavodle rasijskaha viedamstva, — 162 aficery i bolš za 40 žančyn.
Ukrainski bok pakul hetuju infarmacyju nie kamientavaŭ.
U načnym zvarocie maryupalskim marpiecham padziakavaŭ Uładzimir Zialenski.
Dniami piechacincy paviedamili, što ŭ ich zakančvajucca bojeprypasy i pradukty.
U svaju čarhu, daradca Ofisa prezidenta Ukrainy Alaksiej Arastovič napisaŭ u Tvitary, što marpiechi z 36-j bryhady ŭ vyniku «składanaha i vielmi ryzykoŭnaha manieŭra» prarvalisia i dałučylisia da pałka «Azoŭ». Heta, pa słovach Arastoviča, dazvoliła ŭzmacnić abaronu horada.
«Voś što byvaje, kali aficery nie hublajuć hałavu, a cviorda zachoŭvajuć kiravańnie vojskami», — napisaŭ jon.
Infarmacyju pra pałonnych jon pry hetym nie abviarhaŭ.
