— Ščyra skažu, što za čas hetaha kanfliktu ja pierahledzieŭ i svajo staŭleńnie da Biełarusi, — pryznaŭsia Jaŭhien Kamaroŭski. — Dakładniej, da reakcyi suśvietnaj supolnaści na toje, što ŭ 2020 hodzie adbyłosia ŭ Biełarusi. Bo suśvietnaja supolnaść sapraŭdy hetak ža sama hatovaja była reahavać i na padziei va Ukrainie. Zachad byŭ upeŭnieny, što Ukraina praz try dni zdascca, i byŭ maralna hatovy vykazać z hetaj nahody niejkuju zakłapočanaść, ale nie bolš za toje.

I tolki kali Ukraina stała supraciŭlacca, im stała zusim niazručna i daviałosia dapamahać, kab nie apynucca na baku zła.

Pa-za ŭsiakim sumnievam, u 2020 hodzie ŭvieś śviet, i Ukraina ŭ tym liku, pakinuli Biełaruś sam-nasam sa złom.

Reakcyja suśvietnaj supolnaści na tyja padziei musiła być našmat bolš žorstkaj. Tamu što ŭ toj situacyi faktyčna adbyłasia akupacyja Biełarusi. U tym ci inšym vyhladzie jana adbyłasia daŭno, ale ŭ 2020-m stała absalutna vidavočnaj.

Doktar Kamaroŭski raskazaŭ, jak, byvajučy ŭ Minsku ŭ pieryjad praŭleńnia Łukašenki, jon adznačaŭ, što Biełaruś žyvie, «jak u 80-ja hady Savieckaha Sajuza».

— I dla mianie było całkam vidavočna, što Łukašenka nie spynicca ni pierad čym, kali pačnie adstojvać svajo prava zajmać tron. Tamu było zrazumieła, što mietadam mirnaj revalucyi pieramahčy biełarusy nie zmohuć. Heta biada Biełarusi, što joj dastaŭsia takoha ŭzroŭniu dyktatar, — miarkuje doktar.

Ciapier Kamaroŭski razumieje, što ŭ toj čas, jak Ukraina trapiła pad vajennuju akupacyju, «Biełaruś znachodzicca pad mirnaj akupacyjaj». I ŭpeŭnieny, što situacyja ŭ našaj krainie zaležyć ad zychodu na pole bitvy va Ukrainie.

— Ciapier i vy razumiejecie, i ja heta razumieju, što va Ukrainie vyrašajecca los nie tolki Ukrainy, ale i Biełarusi, i Rasii, i Małdovy, i Hruzii.

Kali «Mordar» zachavajecca, kali hetaja vajna i nastupnyja sankcyi nie pryviaduć da demantažu ciapierašniaj sistemy ŭłady i palityčnaha ładu (u RF), to dla ŭsich, i dla Biełarusi ŭ tym liku, budzie vielmi drenna. I tolki kali adbudziecca hety demantaž, źjavicca šaniec i ŭ naroda Biełarusi.

Adpaviedna buduć raźvivacca i adnosiny ŭkraincaŭ i biełarusaŭ. Kali Biełaruś zachavajecca pad akupacyjaj, ničoha nie źmienicca, nijakich kantaktaŭ nie budzie.

Tut jašče maje vialikaje značeńnie, ci schilić Pucin Łukašenku ŭvieści da nas biełaruskija vojski. Mnie zdajecca, što nie schilić. Dumaju, što Łukašenka ŭsio-taki baicca, što vajskoŭcy raźviarnuć zbroju nie ŭ toj bok.

U vypadku, kali «Mordar» padzie, adnosiny ŭkraincaŭ i biełarusaŭ buduć zaležać ad taho, chto stanie lidarami našych krain, i ad taho, u jakich adnosinach Biełaruś zastaniecca z Rasijaj, ci pryznaje jana siabie Minskaj hubiernijaj. Kali tak, to ŭsio budzie vielmi drenna, — miarkuje Kamaroŭski.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?