Vulična-darožnaja sietka
U skład druhoha transpartnaha kalca prapanujecca ŭklučyć častki vuł. Vaniejeva, Radyjalnaja i Staletava. Na ŭčastku, dzie druhoje kalco pierasiakajecca ź pieršym transpartnym, chočuć pabudavać darožnuju raźviazku ŭ dvuch uzroŭniach liniejnaha typu.
Vulicu Uralskuju padoŭžać da Smalenskaj. Pierasiačeńnie apošniaj i Zacharava zrobiać u vyhladzie kalcavoj płoščy. Vulica Kazłova zachavaje funkcyju mahistralnaj vulicy ahulnaharadskoha značeńnia. Nie zakranuć źmieny i prajeznuju častku vulicy Pieršamajskaj. Vuł. Čapajeva pašyrać za košt likvidacyi aŭtastajanki. Tramvajnuju liniju zachavajuć.
Detalovy płan praduhledžvaje dobraŭparadkavańnie i dadańnie novych prajektavanych vulic da Antonaŭskaj, Ivanaŭskaj, Nahornaj, Ślasarnaj, Sałamianaj.
Što źniasuć
Prajektam prapanujecca źnieści častku vytvorčaj zabudovy ahulnaj płoščaj 110,49 tys. m2 — aŭtobusny park № 4, Minski marharynavy zavod, składy i inšyja budynki. Budynki Minskaha instrumientalnaha zavoda na vuł Čapajeva i «Minskbuda» na vuł. Antonaŭskaj pierarobiać u šmatfunkcyjanalnyja hramadskija kompleksy.
Na miescy abjektaŭ, jakija pojduć pad znos, uźviaduć žyłyja damy z pamiaškańniami hramadskaha pryznačeńnia, ustanovy adukacyi i nie tolki.
Što pabudujuć
Płanujecca zachavać šmatkvaterny žyllovy fond płoščaj 70,7 tys. m2 (1486 kvater), a taksama žyllovy fond internataŭ — 416 pakojaŭ, a heta 11,2 tys. kvadrataŭ.
Uźviadzieńniem šmatpaviarchovikaŭ budzie zajmacca ZAT «Sovavto Inviest». Prajekt praduhledžvaje budaŭnictva žylla z ahulnaj płoščaj kvater 107, 8 tys. m2.
Novyja budynki źjaviacca:
na pierasiačeńni Kazłova i Płatonava — 28,0 tys. m2 i 38,2 tys. m2;
kala skviera imieni Simona Balivara — 31,6 tys. m2;
Andrejeŭskaj — Zacharava — 10,0 tys.m2.
Ciapier na terytoryi, jakuju prapanujecca pierabudavać, raźmiaščajecca 81,9 tys. m2 žylla i pražyvaje 4 tys. čałaviek. Da 2025 hoda płanujuć pabudavać jašče 107,8 tys. m2, što paspryjaje pavieličeńniu kolkaści nasielnictva ŭ dva razy. Jaho ščylnaść uzraście z 243 da 296 čałaviek na hiektar, a kvater stanie 3 144 zamiest 1486.
Taksama praduhledžvajecca ŭźviadzieńnie damoŭ pa indyvidualnych prajektach, ale z ulikam ahulnaj kancepcyi abjomna-prastoravaj arhanizacyi terytoryi, histaryčnaj zabudovy na vuł. Pieršamajskaj i Čapajeva.
Bolš padrabiazna aznajomicca z prapanavanymi źmienami možna tut.
Zaŭvahi i prapanovy pa prajekcie prymajucca arhanizataram u piśmovym vyhladzie na adras: 220088, h. Minsk, vuł. Zacharava, 53, kab. 315. Možna dasłać list na adras elektronnaj pošty [email protected] z paznakaj «hramadskaje abmierkavańnie».