Rakieta «Nieptun»
Kompleks «Nieptun» z kryłatymi rakietami dla paražeńnia karabloŭ pačali raspracoŭvać z 2014 hoda paśla faktyčnaj straty Ukrainaj svajho fłotu, piša BBC Ukrajina.
Upieršyniu jaho pakazali šyrokaj publicy ŭ kastryčniku 2019 hoda.
Hety prajekt aktyŭna prasoŭvaŭ były sakratar RNBA Alaksandr Turčynaŭ, a taksama eks-prezident Piotr Parašenka.
«Nieptun» — bierahavy rakietny kompleks, pryznačany dla źniščeńnia karabloŭ roznych kłasaŭ i bierahavych celaŭ.
Rakietny kompleks «Nieptun»
Jon abstalavany kryłatymi rakietami R-360, maksimalnaja dalnaść paražeńnia jakimi składaje 280 km nad moram.
Na hetuju raspracoŭku kanstruktarskaha biuro «Łuč» ukrainskaja armija i fłot uskładali vialikija nadziei. Heta była adna z hałoŭnych stavak dla pavyšeńnia abaranazdolnaści na Čornym i Azoŭskim morach.
Rakiety «Nieptuna» mohuć vyvodzić z ładu sudny tanažnaściu da 5 tysiač ton ‒ vialikija desantnyja karabli, eśmincy, krejsiery abo karviety.
«Nieptun» — heta ceły kompleks: puskavaja ŭstanoŭka z 4 rakietami, mašyna dla zaradki, transpartnaja mašyna i mabilny kamandny punkt.
Kompleks razhortvajecca za 15 chvilin, stralaje z maršu. Na pierazaradku patrabujecca 7-8 chvilin.
Da 2025 hoda płanavali stvaryć try dyvizijony naziemnaha bazavańnia «Nieptuna».
U adzin dyvizijon pavinny byli ŭvachodzić prynamsi 6 puskavych ustanovak. Adzin dyvizijon moža pierakryć 600 km bieraha. Try dyvizijony mahli pakryvać usio ŭźbiarežža.
«Nieptun» aficyjna pryniali na ŭzbrajeńnie jašče ŭ 2020 hodzie, adnak realna pieršy i pakul što adziny dyvizijon rakiet pastupiŭ u vojska, jak pakazvajuć ekśpierty, tolki ŭ studzieni 2022 hoda.
Ci moh «Nieptun» udaryć pa «Maskvie»?
U Rasii ŭžo razdajucca hałasy, što heta mahli być zachodnija supraćkarabielnyja kompleksy. Ale pra zavoz va Ukrainu takich kompleksaŭ nie paviedamlali.
«Heta całkam moža być udar «Nieptuna», nie baču dastatkovych pryčyn sumniavacca», — havoryć ekśpiert Mikałaj Bialeskaŭ.
«Mahčyma, rasijanam pryjemniej było b dumać, što nie ŭkrainskaja, a zachodniaja rakieta paraziła «Maskvu», — miarkuje ekśpiert.
Z dalokaściu dziejańnia «Nieptuna» ŭ 280 km Ukraina, tearetyčna, mahła dastać «Maskvu» ledź nie ŭ Sievastopalskaj buchcie, razvažaje ekśpiert.
Ale nahadvaje, što rasijanie adčuvali siabie biaśpiečna ŭ Čornym mory apošnim časam, a tamu «Maskva» była dosyć blizka da ŭźbiarežža Ukrainy.
Padbity ŭkraincami krejsier «Maskva» patanuŭ. Što heta značyć dla bajazdolnaści rasijskaj armii?
